عمرڪوٽ(ن س)اقليتن، عورتن ۽ غريب هارين جي لاءِ پاڻ پتوڙيندڙ سنڌ جو سگهارو آواز خاموش ٿي ويو، صدارتي ايوارڊ يافته ويرو ڪولهڻ ساهه جي تڪليف سبب لاڏاڻو ڪري وئي،ويرو ڪولهڻ اقليتي برادري جي عورتن کي حق ڏيارڻ ۽ زميندارن جي خانگي جيلن مان پورهيت عورتن ۽ ٻارن کي بازياب ڪرائڻ لاءِ مثالي جاکوڙ ڪئي،ويرو ڪولهڻ غريب هارين لاءِ هوسڙي ۾ هاري ڪيمپ قائم ڪئي، جتي اڄ به ڪيترائي هاري ڪٽنب ترسيل آهن،ويرو ڪولهڻ کي غريب پورهيتن ۽ اقليتن لاءِ جاکوڙ ڪرڻ تي پوليس جي تشدد ۽ جيل ٿاڻن جو منهن به ڏسڻو پيو،ويرو ڪولهڻ ڪيترن ئي سالن کان دم جي مرض سان جهيڙي رهي هئي
