ڪراچي(اسٽاف رپورٽر)سنڌ جو نگران وڏو وزير ڪير ٿيندو؟ سنڌ جي وڏي وزير مراد علي شاهه ۽ مخالف ڌر جي اڳواڻ راڻا انصار وچ ۾ مشاورت جو اڄ آخري ڏينهن آهي.اپوزيشن ليڊر راڻا انصار اڄ وزيراعليٰ هائوس ويندو، نگران وڏي وزير لاءِ وڏي وزير ۽ مخالف ڌر اڳواڻ طرفان ٽي نالا تجويز ڪيا ويندا.ان حوالي سان وڏي وزير مراد علي شاهه جو چوڻ آهي ته سنڌ جي نگران وڏي وزير لاءِ ٻنهي طرفن کان 12، 13 نالا آهن، سڀئي نالا قابل احترام ۽ سٺا آهن.مراد علي شاهه جو چوڻ آهي ته نگران وڏي وزير لاءِ ڪٿي به نالو نه ايندو.جن نالن تي اسان بحث ڪيو آهي اهي حتمي هوندا. نگران وڏي وزير جي نالي تي اڄ رات 12 وڳي اتفاق ڪيو ويندو. هن چيو ته جيڪڏهن ڪنهن نالي تي اتفاق نه ٿيو ته ٻه نالا پارلياماني ڪميٽي ڏانهن موڪليا ويندا. جيڪڏهن معاملو ڪميٽي ۾ نه ڳالهايو ويو ته معاملو اليڪشن ڪميشن ڏانهن ويندو.
