لاهور (ويب ڊيسڪ)سڌ سماءَ واري وفاقي وزير عطاءُ تارڙ چيو آهي ته تحريڪ انصاف سوشل ميڊيا تي جعلي خبرن جو بازار گرم ڪري ڇڏيو آهي.راولپنڊي ۾ پريس ڪانفرنس ڪندي هن چيو ته ڪنهن کي به تشدد جي اجازت نه ٿي ڏئي سگهجي، هاڻي لاشن تي سياست ڪئي پئي وڃي، پمز ۽ پولي ڪلينڪ اسپتالن جو چوڻ آهي ته کين ڪو به لاش نه مليو آهي.عطاءُ تارڙ جو چوڻ آهي ته آرٽيفيشل انٽيليجنس ذريعي تصويرون ٺاهي رهيون آهن، 2019 جون تصويرون سوشل ميڊيا تي گردش ڪري رهيون آهن جڏهن پي ٽي آءِ حڪومت هئي.وفاقي وزير چيو ته پهريان چيو ويو ته اسنائپر شاٽ مارا ويا، پوءِ چيو ويو ته سڌي فائرنگ ڪئي وئي، غزه مان وڊيوز اچي رهيون آهن ته چون ٿا ڊي چوڪ جون آهن.چون ٿا ته رينجرز وارا شهيد ٿيا، توهان انهن جون وڊيوز ۽ تصويرون پوسٽ نه ڪيون، توهان جا ماڻهو اي ڪي 47 سان فائرنگ ڪندا رهيا، توهان پوسٽ نه ڪئي.سڌ سماءَ واري وزير چيو ته سمورن ٽي وي چئنلز انهن کي ڀڄائي ڏيکاريو، جڏهن اهي ڀڄي ويا ته مون سڄو رستو ڏيکاريو، چپل، ڪپڙا ۽ گاڏيون ڇڏي ڀڄي ويا، سڄي قوم چاهي ٿي ته توهان ڀڄي وڃو رينجرز جي فائرنگ جي وڊيو موجود آهي؟ عطا تارڙ جو چوڻ آهي ته ڪنٽينر تي ويٺل شخص نماز نه پيو پڙهي، ٽڪ ٽاڪ ٺاهي رهيو هو، علي امين گنڊاپور ٻه ڀيرا فرار ٿي چڪو آهي.
