ڪراچي (اسٽاف رپورٽر) سنڌ حڪومت اليڪشن ڪميشن کي نئون خط لکي ڇڏيو، جنهن کانپوءِ ڪراچي ۾ مڪاني چونڊون وري ملتوي ٿيڻ جو امڪان آهي.ذريعن موجب سنڌ حڪومت اليڪشن ڪميشن کي هڪ ٻيو خط لکيو آهي، جنهن ۾ تڪ بندين جي درستگي ۽ تبديلي لاءِ ايم ڪيو ايم جي سپريم ڪورٽ ۾ داخل پٽيشن جو به حوالو ڏنو ويو آهي.صوبائي اليڪشن ڪمشنر کي لکيل خط ۾ مڪاني تڪ بندين ۾ تبديلي، قانوني نڪتن تي ايڊووڪيٽ جنرل سنڌ جي راءِ به شامل ڪئي وئي آهي، جنهن سبب ڪراچي ۾ مڪاني تڪ بندين ۾ تبديلي جو امڪان آهي ۽ مڪاني چونڊون هڪ ڀيرو ٻيهر ملتوي ٿيڻ جو خدشو آهي.سنڌ حڪومت طرفان لکيل خط تي اليڪشن ڪميشن فيصلو ڪندي.واضح رهي ته ڪراچي ڊويزن ۾ مڪاني چونڊون 15 جنوري تي شيڊيول آهن، جڏهن ته مڪاني چونڊون ان کان اڳ به ڪيترائي ڀيرا ملتوي ٿي چڪيون آهن.ذريعن جو چوڻ آهي ته ايڊووڪيٽ جنرل سنڌ جي راءِ ۽ عدالتي فيصلن جي روشني ۾ تڪ بنديون نئين سر ٿي سگهن ٿيون.
