واشنگٽن (ويب ڊيسڪ) آمريڪي صدر ڊونلڊ ٽرمپ چيو آهي ته آمريڪا جو ايران تي حملو ڪرڻ جو ڪو فوري منصوبو ناهي. برطانوي رسالي فنانشل ٽائمز کي انٽرويو ڏيندي هن چيو ته ايران بابت آمريڪا جي پوزيشن مضبوط آهي. لڳي ٿو ته اسان کي اهو سڀ ڪجهه ملي رهيو آهي، جيڪو اسان چاهيون ٿا. ان کان اڳ هڪ آمريڪي ٽي وي کي انٽرويو ڏيندي صدر ڊونلڊ ٽرمپ جبل ڪلنگ تي حملي بابت سوال جي جواب ۾ چيو هو ته اها ڪارروائي هڪ ڪلاڪ اندر ڪري سگهجي ٿي. آمريڪي صدر اهو پڻ چيو ته گذريل رات ايران تي ڪيو ويو حملو هڪ محدود آپريشن هو، جنهن کي وڏي جنگ قرار نٿو ڏئي سگهجي. اسان ايران جي جوهري ٺڪاڻن جي مسلسل نگراني ڪري رهيا آهيون.آمريڪي صدر ڊونلڊ ٽرمپ چيو آهي ته هو انتهاپسند کاٻي ڌر کي آمريڪا تي قبضو ڪرڻ نه ڏيندو، جڏهن ته چونڊن جا نتيجا اميدن کان وڌيڪ بهتر ثابت ٿيندا. ٽرمپ پنهنجي هڪ بيان ۾ چيو ته مشي گن جي عبدالسيد جهڙن اميدوارن کي اسرائيل جو بهانو بڻائي انتظاميا جي ڪارنامن کي وسارڻ جي اجازت نه ڏيندس. واضح رهي ته آمريڪا جي مڊٽرم چونڊن کان هڪ ڏينهن اڳ تائين ٽرمپ جي عوامي مقبوليت 32 سيڪڙو تي برقرار آهي. رائٽرز ۽ ايپسوس جي سروي موجب، ٽرمپ جي عوامي مقبوليت رڪارڊ جي گهٽ ترين سطح جي ويجهو آهي. سروي ۾ 46 سيڪڙو رجسٽرڊ ووٽرن چيو ته اهي ڪانگريس جي چونڊن ۾ ڊيموڪريٽس کي ووٽ ڏيندا، جڏهن ته 38 سيڪڙو ووٽرن ريپبلڪنز جي چونڊ ڪرڻ جو چيو.
