واشنگٽن (ويب ڊيسڪ) واٽس ايپ پاران گذريل ڪجهه هفتن دوران مختلف نوان فيچرز متعارف ڪرايا ويا آهن. تازو ئي ويوونس آڊيو ميسيج جي فيچر کي واٽس ايپ جو حصو بڻايو ويو هو.هاڻي واٽس ايپ ۾ ميسينجر کي پن ڪرڻ جو فيچر متعارف ڪرايو ويو آهي. ان کان اڳ واٽس ايپ واهپيدار چيٽس کي پن ڪري سگھندا هئا پر چيٽس جي اندر ميسيجز کي پن ڪرڻ ممڪن نه هو. پر هاڻي ائين ڪرڻ ممڪن هوندو ڪمپني موجب اينڊرائڊ، آءِ او ايس ۽ ڊيسڪ تاپ ورجن استعمال ڪندڙ واهپيدارن لاءِ اهو فيچر متعارف ڪرايو ويو آهي. اهو فيچر چيٽس جيان ئي ڪم ڪري ٿو.يعني چيٽ جي اندر ڪنهن هڪ ميسيج کي پن ڪري سگھجي ٿو، جيڪو ان چيٽ ونڊو کي اوپن ڪرڻ تي سڀ کان مٿي نظر ايندو. پر پن چيٽس جي ابتڙ پن ميسيج مخصوص وقت کان پوءِ هٽ ويندا. جڏهن ڪو واهپيدار ڪنهن ميسيج کي پن ڪندو ته ان جي آڏو 24 ڪلاڪ، 7 ست ڏينهن ۽ هڪ مهيني جو آپشن نظر ايندو. باءِ ڊيفالٽ هڪ پن ميسيج 7 ڏينهن بعد هٽي ويندو. اهو فيچر انفرادي چيٽس سان گڏوگڏ گروپ چيٽس ۾ به ڪم ڪندو. پر گروپ چيٽس ۾ ايڊمن کي اختيار هوندو ته اهو ميمبرز کي ان فيچر کي استعمال ڪرڻ جي اجازت ڏئي ٿو يا نه. ڪمپني موجب اهو فيچر متعارف ڪرائڻ جو سلسلو شروع ٿي ويو آهي ايندڙ هفتن ۾ سڀني واهپيدارن کي دستياب هوندو.
