دلشاد ڀٽو
ھاڻ ڊجيٽل اخبار ۽ ايڇ ڊي سافٽ ويئر.ويب ٽي وي جو دور اچي ويو آھي۔ان کان تيز سوشل ميڊيا آھي۔جنھن ۾ نہ گھڻو اسٽاف گھرجي.نہ گھڻي سرمائي جي سيڙپ ۽ نہ وري گھڻا رپورٽر گھرجن۔ اليڪٽرانڪ ۽ پرنٽ ميڊيا گھڻيون خبرون سوشل ميڊيا تان کڻي ٿي ۔ٽويٽر خبر جو وڏو ذريعو آھي باقي خبرون نيوز ايجنسيون ڏين ٿيون۔باقي سٽي رپورٽر ۽ گھٽي رپورٽر ڏاند جي چوري۔پريمي جوڙن۔ڇوڪرين جي گھران ٽن ڪپڙن ۾ نڪرڻ۔طلاق۔گھرو ۽ قبائلي جھيڙن جو خبرون يا وري سياستدان ۽ ڪامورن جي تعريفن جون خبرون موڪليندا۔جنھنجي ھاڻ ڪا ضرورت نہ رھي آھي ڇاڪاڻ تہ ھر ماڻھو وٽ سوشل ميڊيا جي ايڪسري مشين ۽ دوربيني لڳي پئي آھي۔ھاڻ جديد صحافت صرف تحقيقاتي خبرن ۽ عوام جي حقيقي مسئلن جي اپٽار تي ھلندي ڇاڪاڻ تہ ڪاپي پيسٽ خبرون صبح کان ٻئي صبح تائين ھر بليٽن ۽ ھر اخبار ۾ ساڳي واقعاتي خبر پڙھي ۽ ڏسي ماڻھو بيزار ٿي پيا آھن۔ٻيو چٽ پٽي۔مصالحہ دار ۽ اينگلنگ جنھن ۾ صحافتي بي ايماني ھوندي ۔انجو خاتمو ٿيندو۔وقت جي گھرجن موجب آھستي آھستي پراڻا قدر مدي خارج ٿيندا ۔ بي ايماني ۽ حرامخوري جا ڌنڌا وقت سان گڏ ٻاڙا ٿي ويندا۔جيئن ھاڻ صحافين ۽ ادارن جو ڌنڌو بند ٿيو آھي تہ سڀني جون رڙيون نڪري ويون آھن۔سوال ٿو پيدا ٿئي تہ ڇا ايترا سال جيڪا صحافت ٿي۔ اھا تہ Yellow journalism جي زمري ۾ بہ نٿي آئي۔مطلب صحافي ٿيڻ ۽ ميڊيا ادارو کولڻ لاء ڪا ميرٽ نہ ھئي۔کيسو خالي ھمراھ چينل ۽ اخبارون پيا کولين۔سرڪار جو انڌير اھڙو جو ڪنھن کان پڇن نہ پيا تہ لائسنس يا ڊڪلريشن وٺڻ کانپوء ادارو ھلندو ڪيئن۔پگھارون ڪٿان ڏيندا ؟ڪا سيڙپ ۽ سرمايو تہ ڏيکاريو ؟جڏھن ميڊيا ادارا سرڪار ۽ الله جي آسري تي کلندا ۽ ھلندا تہ پوء آزاد صحافت جو تصور ختم ٿي وڃي ٿو۔سوشل ميڊيا جي اچڻ سان پرنٽ ۽ اليڪٽرانڪ ميڊيا جي اھميت ئي ختم ٿي وئي آھي .سوشل ميڊيا جا سماج تي ناڪاري ۽ ھاڪاري فائدہ ۽ نقصان بہ آھن پر سوشل ميڊيا ذرائع ابلاغ ۽ تبادلہ خيال جو برق رفتار ذريعو آھي.توڙي جو اظھار خيال لاء ھر طرح جي آزادي آھي پر ھر ڪمپني پنھنجي استعمال ڪندڙ گراھڪ لاء قانون ۽ ضابطہ ٺاھيا آھن غلط استعمال ڪندڙ کي ھر ڪمپبي پنھنجن قائدن قانون موجب سزا ڏئي ٿي.جيئن اڪائونٽ بلاڪ.معطل يا ٻيون ٻيون سزائون وغيرہ.
وزيراعظم جي چيف جسٽس سان ملاقات چيمبر ۾ جاري
فوجي عدالتن ۾ محفوظ ڪيل فيصلا ٻڌائڻ جي مشروط اجازت
سي پيڪ جي ٻئي مرحلي ۾ چيني سيڙپڪاري جي واڌ ٿيندي
اڪثر دهشتگرد حملن ۾ آمريڪي هٿيار استعمال ٿيا آهن
پاڪستان جي ثانوي اڀرندڙ مارڪيٽ جي حيثيت برقرار
حڪومت اٽو برآمد ڪرڻ جي مشروط اجازت ڏئي ڇڏي
بابر اعواڻ جو نالو اي سي ايل مان خارج، وڌيڪ 24 نالا شامل
سوشل ميڊيا تي سڀ کان وڏو چئلينج جعلي خبرون آهن: تارڙ
صوبي ۾ پاڻي کوٽ تي وفاق سان اختلاف آهن: شورو
سپريم ڪورٽ مان ضمانت حاصل ڪندڙ 5 جوابدار ٻيهر گرفتار
انٽر بئنڪ ۾ ڊالر 277 رپيا 90 پئسا ٿي ويو
راڻا ثنا خلاف ڪيس جي درخواست، ايس ايڇ او کي نوٽيس
آمريڪا ۽ ان جا حواري مضبوط روس کان ڊڄن ٿا: پوتن
وزيراعليٰ ڪيترن ئي زرعي منصوبن جي منظوري ڏئي ڇڏي
ڪاڪول ۾ قومي رانديگرن جي ٽريننگ شروع
ماڻهن کي ثناءُ ۽ شعيب جي لاڳاپن جي خبر نه هئي
اڄوڪي-اخبار-2024-03-28
اڄوڪي-اخبار-2024-03-28
پريا ڪماري پاتال مان ٻاھر ڪئين ايندي
سوشل ميڊيا معلومات جو اهم ذريعو بڻجي چڪو آهي