واشنگٽن (ويب ڊيسڪ)آمريڪي پرڏيهي کاتي جي نائب ترجمان ويدانت پٽيل جو چوڻ آهي ته آمريڪا خالصتان کي اظهار جي آزادي جو معاملو سمجهي ٿو.پنهنجي بيان ۾ ويدانت پٽيل چيو ته آمريڪا ۾ ماڻهن کي اظهار جي آزادي جو حق آهي، خالصتان جي غير سرڪاري ريفرنڊم تي تبصرو نه ڪنداسين.هن چيو ته آمريڪا ۾ عوام کي پهرين ترميم تحت پرامن اسيمبلي جو حق حاصل آهي.هن چيو ته وزيراعظم ٽروڊو کي ڀارت تي لڳايل الزامن تي سخت ڳڻتي آهي، ڪينيڊا ۾ سک اڳواڻ جي قتل جي جاچ کي اڳتي وڌائڻ تمام ضروري آهي.ويدانتا پٽيل چيو ته آمريڪا عوامي ۽ خانگي طور تي هندستاني حڪومت تي زور ڏنو آهي ته هو ڪئناڊا جي تحقيقات ۾ تعاون ڪري.پاڪستان ۾ غير قانوني افغان پناهگيرن بابت سوال جو جواب ڏيندي آمريڪي پرڏيهي کاتي جي ترجمان چيو ته افغان پناهگيرن جي آبادڪاري ۾ پاڪستان اهم ڀائيوار رهيو آهي.
