ڪراچي (اسٽاف رپورٽر) گل پلازا سانحي جي جاچ لاءِ قائم ڪيل عدالتي ڪميشن، جسٽس آغا فيصل جي سربراهي ۾، 14 فيبروري (سڀاڻي) تي گل پلازا جو معائنو ڪندو.جسٽس آغا فيصل جي سربراهي ۾ گل پلازا سانحي جي جاچ ڪندڙ عدالتي ڪميشن گل پلازا جو دورو ڪرڻ جو فيصلو ڪيو آهي. ذريعن موجب، عدالتي ڪميشن سرڪاري ادارن کي طلب ڪرڻ کان اڳ پوري عمارت جو پاڻ معائنو ڪندو ۽ گل پلازا جي موجوده صورتحال جو تفصيلي معائنو ڪندو.ڪميشن باهه کان پوءِ واقعي واري هنڌ تي ڪيل بچاءُ ۽ ڳولا جي ڪارروائين، عمارت ۾ رستن ۽ ٻين انتظامن جو به جائزو وٺندو ته جيئن واقعي جي مختلف پهلوئن جو سڌو سنئون مشاهدو ڪري سگهجي.ذريعن جو چوڻ آهي ته گل پلازا جو دورو مڪمل ڪرڻ کان پوءِ، ڪميشن فائر برگيڊ، ڪي ايم سي، بچاءُ ادارن، ايس بي سي اي ۽ ٻين لاڳاپيل ادارن کي نوٽيس جاري ڪندو.عدالتي ڪميشن جي سربراهه جسٽس آغا فيصل سانحي ۾ مارجي ويلن جي خاندانن کي به طلب ڪيو آهي. عدالتي ڪميشن هدايت ڪئي آهي ته فوتين جا وارث 16 فيبروري تي ڪميشن جي جاچ ۾ شامل ٿين.
