ڪراچي (اسٽاف رپورٽر)ڪراچي ۾ ڪورنگي عوامي ڪالوني پوليس کي ٽي ٻار مليا آهن، ٻار چون ٿا ته انهن جو پتو لاهور آهي، ٻار لڳ ڀڳ ٽي کان اٺ سال جي عمر جا آهن.پوليس اختيارين موجب، ٽي ٻار ڪورنگي سنگر چورنگي مان مليا آهن، ٻار چون ٿا ته انهن جا نالا آمنه، طلحه ۽ زينب آهن، جڏهن ته عمرون اٺ، ڇهه ۽ ٽي سال آهن.ٻار پنهنجو پتو پراڻي سبزي منڊي، لاهور، ڀٽي گيٽ، اونچي گهاٽي جي ويجهو ڏئي رهيا آهن، جڏهن ته پيءُ جو نالو علي اڪبر، ماءُ جو نالو شازيه ۽ چاچي جو نالو عابد آهي.ٻارن جو چوڻ آهي ته اهي پنهنجي والدين سان گڏ لاهور کان ڪراچي آيا هئا، جڏهن ٽرين هلي وئي ته اهي چانهه خريد ڪرڻ لاءِ ٽرين مان لهي ويا.ٻارن کي ايڌي ويلفيئر جي حوالي ڪيو ويو آهي، ٻارن جا خاندان ڪورنگي عوامي ڪالوني پوليس سان رابطو ڪري سگهن ٿا.
