ڪراچي: (اسٽاف رپورٽر) سي ٽي ڊي ڪراچي کي وڏي دهشتگردي کان بچائي ورتو.شهر قائد جي علائقي شاهه لطيف ٽائون ۾ فائرنگ جي تبادلي کان پوءِ سي ٽي ڊي چار دهشتگردن کي ماري ڇڏيو. گرفتار دهشتگردن جي نشاندهي تي سي ٽي ڊي هڪ گهر تي ڇاپو هنيو، جڏهن اندر دهشتگردن فائرنگ ڪئي.سڃاڻپ لاءِ آندو ويندڙ ٻه پوليس اهلڪار ۽ ٽي دهشتگرد فائرنگ ۾ زخمي ٿي پيا. سي ٽي ڊي گهر ۾ هڪ دهشتگرد کي زخمي حالت ۾ گرفتار ڪيو، هڪ ڪلاشنڪوف ۽ هڪ دستي بم هٿ ڪيو، زخمي دهشتگرد اسپتال منتقلي دوران فوت ٿي ويو.مارجي ويل دهشتگردن ۾ جليل عرف فريد، نياز عرف ڪنگ ۽ حمدان عرف فريد شامل آهن، جڏهن ته هڪ مارجي ويل دهشتگرد جي سڃاڻپ نه ٿي سگهي. گهر اندر ڊرم ۾ سڃاڻپ ڪارڊ تيار ڪيا ويا هئا. بم ڊسپوزل اسڪواڊ ڳولا ڪرڻ کان پوءِ گهر مان ڊيٽونيٽرز، ڊيٽونيٽنگ تار ۽ سرڪٽ به هٿ ڪيو.بم ڊسپوزل اسڪواڊ ڌماڪيدار مواد کي ناڪاره بڻايو، زخمي سي ٽي ڊي اهلڪارن کي طبي علاج لاءِ اسپتال منتقل ڪيو ويو، جڏهن ته مارجي ويل دهشتگردن جي وڌيڪ ساٿين کي گرفتار ڪرڻ لاءِ آپريشن پڻ شروع ڪيو ويو.سي ٽي ڊي اختيارين موجب، زخمي پوليس اهلڪارن ۾ هيڊ ڪانسٽيبل محمد يوسف ۽ سپاهي راجا جنيد شامل آهن، جن جو اسپتال ۾ طبي علاج ڪيو پيو وڃي.ڊي آءِ جي سي ٽي ڊي غلام اظفر مهيسر ۽ ايس ايس پي سي ٽي ڊي عرفان بهادر چيو ته مارجي ويل دهشتگردن جو تعلق فتنہ الھندوستان بشير زيب نيٽ ورڪ سان هو، 2 کان 3 دهشتگرد فرار ٿيڻ ۾ ڪامياب ٿي ويا.
