ڪراچي (رپورٽر) ڪراچي جناح پوسٽ گريجوئيٽ ميڊيڪل سينٽر جي ايگزيڪيوٽو ڊائريڪٽر پروفيسر ڊاڪٽر خالد شير ايڪيهين رمضان جي موقعي تي ممڪن حساس صورتحال کي نظر ۾ رکندي ايمرجنسي شعبي جو اوچتو دورو ڪيو۔هن سان گڏ جوائنٽ ايگزيڪيوٽو ڊائريڪٽر ڊاڪٽر سليمان، ڊپٽي ڊائريڪٽر ۽ انچارج ايمرجنسي ڊاڪٽر نوشين، سي ايم او ايمرجنسي ڊاڪٽر عمار دانش، سينئر رجسٽرار آرٿوپيڊڪس ڊاڪٽر مهران خان، اسسٽنٽ پروفيسر ايمرجنسي ڊاڪٽر عرفان صديقي ۽ ڊپٽي ڊائريڪٽر ڊاڪٽر عديل پڻ موجود هئا۔وفد ايمرجنسي شعبي جو تفصيلي جائزو ورتو ۽ ڪنهن به هنگامي صورتحال کي منهن ڏيڻ لاءِ ڪيل انتظامن جو معائنو ڪيو۔ دوري دوران دوائن جي دستيابي، طبي سهولتن ۽ هنگامي حالتن لاءِ تيارين جو جائزو ورتو ويو جڏهن ته طبي عملي جي تياري ۽ الرٽنس پڻ چيڪ ڪئي وئي پروفيسر ڊاڪٽر خالد شير ايمرجنسي شعبي جي انتظامن تي اطمينان جو اظهار ڪيو ۽ عملي جي ڪوششن کي ساراهيو۔ هن هدايت ڪئي ته عوام کي بهتر طبي سهولتون فراهم ڪرڻ لاءِ هر وقت مڪمل تياري برقرار رکڻ لازمي آهي۔
