لاهور (ويب ڊيسڪ)پنجاب جي مختلف علائقن ۾ گذريل 24 ڪلاڪن دوران واءُ ۽ مينهن سبب ٿيندڙ حادثن ۾ 12 ماڻهو فوت ٿي ويا. پنجاب ريسڪيو جي ترجمان موجب، لاهور جي هربنس پور علائقي ۾ هڪ ڀاءُ ۽ ڀيڻ بجلي جو ڪرنٽ لڳڻ سبب فوت ٿي ويا، جڏهن ته شيراڪوٽ ۾ هڪ 20 سالن جو نوجوان فوت ٿي ويو ۽ بهاولنگر جي منچن آباد علائقي ۾ مدرسي جي ڇت ڪرڻ سبب ٻه شاگرد فوت ٿي ويا، ۽ مدينه ٽائون ۾ هڪ 10 سالن جو ٻار بجلي جو ڪرنٽ لڳڻ سبب فوت ٿي ويو.ريسڪيو ترجمان چيو ته اوڪاڙه جي نعيم آباد علائقي ۾ بجلي ڪرڻ سبب ٻه ماڻهو فوت ٿي ويا، پاڪپتن جي مختلف علائقن ۾ ڀت ۽ ڇت ڪرڻ سبب ٻه ٻار فوت ٿي ويا، جڏهن ته ڀڪر جي جهان خان علائقي ۾ ڇت ڪرڻ سبب هڪ شخص فوت ٿي ويو.ان کان علاوه، صوبي ۾ برسات سبب ٿيندڙ مختلف حادثن ۾ 92 ماڻهو زخمي ٿيا آهن.
