اسلام آباد (بيورو رپورٽ)اسلام آباد جي ڊسٽرڪٽ اينڊ سيشن عدالت پي ٽي آءِ باني شيخ رشيد ۽ ٻين جي لانگ مارچ ڪيس ۾ بريت واري درخواست تي فيصلو محفوظ ڪري ورتو.جڊيشل مئجسٽريٽ ملڪ عمران جي بريت واري درخواست تي فيصلو محفوظ ڪري ورتو، جيڪو 6 جون تي ٻڌايو ويندو.ان موقعي تي اڳوڻو وفاقي وزير شيخ رشيد، علي نواز اعواڻ، صداقت عباسي عدالت ۾ پيش ٿيا.وڪيل صفائي سردار هاسگي، آمنه علي، رضوان اعواڻ ۽ مرزا عاصم به عدالت ۾ پيش ٿيا.وڪيل سردار بسي چيو ته بريت جي درخواست گذريل سال فيبروري ۾ داخل ڪئي وئي هئي، ان ڪيس ۾ بريت جي درخواست تي اڄ دليل ڏيڻ چاهيون ٿا.جج ملڪ عمران چيو ته عدالت ۾ صداقت عباسي، علي نواز اعواڻ، شيخ رشيد جا چالان اچي ويا آهن، شيخ رشيد ۽ ٻين جوابدارن به بريت جي درخواست ڪئي آهي.جج ملڪ عمران چيو ته هو سموريون درخواستون گڏ ٻڌي فيصلو ڪندا.وڪيل سردار بسي چيو ته ڪيس ۾ ڪي به ثبوت نه آهن، سي سي ٽي وي وڊيو به ناهي، لاڳاپيل مدعي طرفان ڪيس داخل ناهي ڪيو ويو.
