پشاور(ويب ڊيسڪ) ڊاڪٽرن دل جي بيماري ۾ مبتلا پي ٽي آءِ اڳواڻ شبلي فراز جي اوپن هارٽ سرجري تي غور شروع ڪري ڇڏيو آهي.ذريعن موجب، ڊاڪٽر پشاور انسٽيٽيوٽ آف ڪارڊيالوجي ۾ علاج هيٺ شبلي فراز جي اوپن هارٽ سرجري تي غور ڪري رهيا آهن، پر اهي ان لاءِ ڪجهه ٽيسٽن جو انتظار ڪري رهيا آهن.اسپتال ذريعن جو چوڻ آهي ته دل جي هڪ مکيه شريان تي عضلاتي پل آهي، شريانن ۾ رڪاوٽ جي ڪري دل جي دوري جو خطرو آهي، جڏهن ته شبلي فراز ڪڏهن ڪڏهن دل ۾ درد محسوس ڪندو آهي ۽ بلڊ پريشر به وڌيڪ هوندو آهي.شبلي فراز چيو ته کيس ڪافي عرصي کان دل جي بيماري آهي پر هو احتياط نه ڪري رهيو هو، هن پنهنجون دوائون صحيح طرح نه ورتيون هيون، کيس معمولي ٽينشن به هئي، هو مستقبل ۾ احتياط ڪندو، پي ٽي آءِ اڳواڻ قوم کي سندس صحتيابي لاءِ دعا جي اپيل به ڪئي.واضح رهي ته شبلي فراز کي سيني ۾ سور جي ڪري 2 ڏينهن اڳ پي آءِ سي پشاور منتقل ڪيو ويو هو.
