لاهور (ويب ڊيسڪ) پنجاب جي وڏي وزير مريم نواز چيو آهي ته ٻوڏ جي صورتحال ۾ انتظامي لاپرواهي سبب ڪا به جان نه وئي.شاهدره ۾ ميڊيا سان ڳالهائيندي مريم نواز چيو ته اسان جي ٽن دريائن تي پاڻي جو سخت دٻاءُ آهي ۽ پاڻي اسان جي دريائن ۾ گنجائش کان وڌيڪ داخل ٿي ويو آهي، جنهن جي توقع نه هئي.هن چيو ته پنجاب انتظاميا 50 هزار ماڻهن کي محفوظ هنڌن تي پهچايو آهي، ٻوڏ متاثرين جي نقصانن جي تلافي ڪنداسين، انتظامي لاپرواهي سبب ڪا به جان نه وئي، ۽ جن ماڻهن پاڻي جي رستن ۾ پنهنجا گهر ٺاهيا آهن انهن کي ڪڍينداسين.پنجاب جي وڏي وزير چيو ته نارووال مڪمل طور تي ٻڏي ويو آهي، گجرات ۽ سيالڪوٽ ۾ صورتحال خراب آهي، تنهن هوندي به انتظاميا ماڻهن جي مدد ڪئي، جنهن لاءِ مان سڀني ڊي سيز، سول ڊفينس ۽ ريسڪيو ادارن کي مبارڪباد ڏيان ٿي.مريم نواز وڌيڪ چيو ته مون راوي ۾ ايترو پاڻي ڪڏهن به نه ڏٺو آهي، اسان کي پنهنجو انفراسٽرڪچر، پاڻي جو ذخيرو ۽ ڊيم ٺاهڻ گهرجن. پاڻي الله جي نعمت آهي، پاڻي کي ذخيرو ڪرڻ لاءِ ڍانچا ٺاهڻ تمام ضروري آهي.هن چيو ته سڀني لاڳاپيل ادارن کي چيو ويو آهي ته برسات جي پاڻي کي گڏ ڪرڻ ۽ ٻوڏ جي پاڻي کي ذخيرو ڪرڻ بابت پروگرام ٺاهيا وڃن.
