اسلام آباد (بيورو رپورٽ)اسلام آباد کان لاهور ويندڙ مسافر بس چکوال ۾ حادثي جو شڪار ٿي وئي، جنهن جي نتيجي ۾ 6 مسافر فوت ۽ 24 زخمي ٿي پيا. ريسڪيو اختيارين موجب، مسافر بس جو حادثو موٽر وي تي ڍوڪ سيال جي ويجهو پيش آيو ۽ بس ڪنٽرول وڃائي ويٺي کاهي ۾ ڪري پئي. ريسڪيو اختيارين موجب حادثي ۾ 6 ماڻهو مارجي ويا ۽ 24 زخمي ٿيا، زخمين کي ٽراما سينٽر، ڪلر ڪهار ۽ ڊي ايڇ ڪيو اسپتال منتقل ڪيو پيو وڃي. موٽر وي پوليس جي ترجمان جو چوڻ آهي ته حادثي جو شڪار بس اسلام آباد کان لاهور وڃي رهي هئي، حادثو بس ڊرائيور جي لاپرواهي ۽ لاپرواهي سبب پيش آيو.
