جهلم (ويب ڊيسڪ)ڀارت راوي درياهه ۾ 200,000 ڪيوسڪ پاڻي ڇڏيو. مسلسل برساتن کان پوءِ راوي، چناب ۽ ستلج درياهه ۾ پاڻي ڀرجي ويو. چناب درياءَ ۾ هيڊمرالا وٽ ٻوڏ جي سطح تمام گهڻي آهي، پاڻي جي آمد 696,534 ڪيوسڪ رڪارڊ ڪئي وئي آهي. فلڊ فورڪاسٽنگ ڊويزن لاهور موجب، ستلج درياءَ ۾ گنڊاسنگ والا وٽ ٻوڏ جي سطح تمام گهڻي آهي، جنهن ۾ پاڻي جو وهڪرو 245,236 ڪيوسڪ رڪارڊ ڪيو ويو آهي.ايندڙ 12 ڪلاڪن ۾ گنڊا سنگهه والا ۾ وهڪرو 280,000 ڪيوسڪ تائين وڌڻ جو امڪان آهي. راوي درياهه ۾ جسر وٽ پڻ تمام گهڻي ٻوڏ آهي، پاڻي جو وهڪرو 195,000 ڪيوسڪ تائين پهچي ويو آهي. چناب ۾ خانڪي ۾ پاڻي جي سطح وڌيڪ آهي، جڏهن ته راوي ۾ شاهدره ۽ ستلج ۾ سليمانڪي ۾ پاڻي جي سطح گهٽ آهي. سنڌو درياهه ۾ سکر بئراج تي به گهٽ سطح جي ٻوڏ آهي، ۽ راوي درياهه ۾ ٻوڏ جي ريلي سبب شاهدره ۽ موٽر وي 2 جي هيٺاهين وارن علائقن ۾ ٻوڏ جو خطرو آهي. ٻوڏ جو پاڻي چندا سنگهه والا سميت ڪيترن ئي ڳوٺن ۾ داخل ٿي ويو. ظفروال ۾ نالا ڊڪ جي اوور فلو سبب هنجلي پل جو هڪ حصو ٽٽي پيو، جنهن جي ڪري درجنين ڳوٺن سان زميني رابطو ڪٽجي ويو. پاڻي دريائي پٽي وارن علائقن ۾ تيزي سان پکڙجڻ لڳو، جنهن ۾ بهاولپور جي خيرپور ٽاميوالي تحصيل به شامل آهي، جنهن هزارين ايڪڙ فصلن، گهرن ۽ سرڪاري اسڪولن کي نقصان پهچايو.
