اسلام آباد(بيورو رپورٽ) وزيراعظم جي سياسي معاملن بابت صلاحڪار رانا ثناءُ الله چيو آهي ته پي ٽي آءِ حڪومت سان ڳالهائڻ جي ڳالهه ناهي ڪئي، اهي اسٽيبلشمينٽ سان ڳالهائڻ چاهين ٿا، ڳالهائيندي رانا ثناءُ الله چيو ته پي ٽي آءِ جو باني چوي ٿو ته ڳالهين ۾ سندس آزادي تي بحث نه ٿيڻ گهرجي، پي ٽي آءِ جو باني چوي ٿو ته سندس آزادي عدالتن ذريعي ٿيڻ گهرجي، جيڪڏهن پي ٽي آءِ سياسي ڳالهيون نه ڪرڻ چاهي ته پوءِ انهن کي ان سان ڇا ڳالهائڻ گهرجي؟ هن چيو ته علي امين گنڊاپور جي تقرير مان ظاهر ٿئي ٿو ته پي ٽي آءِ ملڪ ۾ عدم استحڪام چاهي ٿي ۽ ٻيو ڪو به ايجنڊا معلوم ناهي، جيڪڏهن پي ٽي آءِ پرامن رهي ته ٺيڪ آهي، ٻي صورت ۾ انهن قانون کي هٿ ۾ ورتو ۽ عدم استحڪام پيدا ڪرڻ جي ڪوشش ڪئي، جيڪا شروعات کان ئي انهن جي ڪوشش هئي، اهي ماڻهو آءِ ايم ايف آفيسن ٻاهران جلوس ڪڍندا هئا، خط لکندا هئا ته پاڪستان کي قسطون نه ڏنيون وڃن، اهي چاهين ٿا ته ملڪ معاشي بدحالي جو شڪار ٿئي، جيڪڏهن اهڙو ڪجهه ٿيو ته قانون ضرور پنهنجو رستو اختيار ڪندو.
