پٽارو (ن س)چيئرمين پيپلز پارٽي بلاول ڀٽو زرداري چيو آهي ته پاڪستان عالمي سطح تي پنهنجي لاءِ هڪ منفرد مقام پيدا ڪيو آهي، پاڪستان پنهنجي خودمختياري جي حفاظت ڪرڻ ڄاڻي ٿو.ڪيڊٽ ڪاليج پٽارو ۾ والدين جي ڏينهن جي تقريب کي خطاب ڪندي هن چيو ته ڪيڊٽ ڪاليج پٽارو هڪ بهترين ادارو آهي، ڪيڊٽ ڪاليج پٽارو نوجوانن جي ڪردار جي تعمير ۾ اهم ڪردار ادا ڪري ٿو.بلاول ڀٽو زرداري چيو ته ڪيڊٽ ڪاليج جو نظم و ضبط سزا نه پر آزادي آهي، تعليم جي معيار کي بهتر بڻائڻ اسان جي ترجيح آهي، نوجوان اسان جو مستقبل آهن.ترقي صرف قابليت جي بهترين استعمال سان ئي ممڪن آهي.هن چيو ته سنڌ هميشه پاڪستان جي دل وانگر رهي آهي، جڏهن قوم سڏي ٿي ته توهان کي جرئت سان جواب ڏيڻو پوندو،چيئرمين پي پي پي چيو ته اسان جون هٿياربند فوجون ملڪ جي حفاظت لاءِ ڏينهن رات ڪم ڪري رهيون آهن، اسان جي هٿياربند فوجن هڪ ڀيرو ٻيهر ثابت ڪيو آهي ته اسان جون سرحدون محفوظ آهن.
