اسلام آباد (بيورو رپورٽ) اطلاعات واري وفاقي وزير فواد چوڌري دعويٰ ڪئي آھي تھ ھڪ ڪروڙ نوڪرين جو واعدو پورو ٿي چڪو آھي ۽ ھاڻ ڳالھھ ھڪ ڪروڙ نوڪرين کان اڳتي ھلي وئي آھي. اسلام آباد ۾ وفاقي ڪابينا جي اجلاس کانپوءِ پريس ڪانفرنس ڪندي هن چيو ته تحريڪ انصاف طرفان حڪومت ۾ اچڻ کانپوءِ ھڪ ڪروڙ نوڪرين جو واعدو پورو ٿي ويو آھي. اسين ساڍا 16 لک کان وڌيڪ ماڻھن کي پرڏيهه موڪليو، پنجاب جي صحت واري شعبي ۾ 40 ھزار کان وڌيڪ نوڪريون ڏنيون، ٻين ادارن ۾ بھ ماڻھن کي نوڪريون ڏنيون ويون آهن، هن چيو ته وفاق، ڪي پي، بلوچستان ۽ پنجاب ۾اسين تمام گهڻيون نوڪريون ڏئي چڪا آهيون.
