اسلام آباد: (بيورو رپورٽ) مهانگائي کان پريشان پاڪستانين لاءِ هڪ ٻئي پريشان ڪندڙ خبر سامهون اچي وئي آهي، عالمي مالياتي فنڊ(آءِ ايم ايف) هڪ دفعو ٻيهر بجلي جي قيمتن ۾ واڌ جو مطالبو ڪري ڇڏيو آهي.ذريعن موجب 10 جولاءِ کان اڳ بجلي 5 روپيه في يونٽ مهانگي ٿي سگهي ٿي ورچوئل ڳالهين دوران آءِ ايم ايف کي مشڪل فيصلي کان آگاهه ڪيو ويو، آءِ ايم ايف کي گيس جي قيمتن ۾ واڌ وارن قدمن تي به بريفنگ ڏني وئي.ناڻي واري وزارت جي ذريعن جو چوڻ آهي ته آءِ ايم ايف معيشت جي بهتري لاءِ کنيل قدمن تي اطمينان جو اظهار ڪيو آهي، نئين قرض پروگرام ۾ اهم اڳڀرائي هلندڙ مهيني جي ختم ٿيڻ تائين ٿيڻ جو امڪان آهي.ذريعن وڌيڪ ٻڌايو ته نئين قرض پروگرام تي اسٽاف ليول ڳالهيون مئي مهيني ۾ به ٿيون هيون مئي کان هينئر تائين پاڪستان بهتر ۽ اڳواٽ حدف حاصل ڪري ورتا آهن.
