ڪراچي (اسٽاف رپورٽر)اهو انڪشاف ٿيو آهي ته بلوچستان جي علائقي بند مراد جو رستو ڪراچي ۾ ايراني ڊيزل جي سپلاءِ لاءِ استعمال ڪيو پيو وڃي.ذريعن موجب، ايراني ڊيزل بلوچستان جي علائقي بند مراد ۾ قائم ٿيل درجنين غير قانوني نوزل ڊيپوز مان ٽريلرز، ٽرڪن ۽ ڊمپرز ذريعي ڪراچي پهچايو پيو وڃي. ڊيزل انهن گاڏين ۾ ٺهيل خفيه ٽينڪن ذريعي پهچايو پيو وڃي.ذريعن جو چوڻ آهي ته بند مراد مان ڊيزل روڊ ذريعي ڪراچي جي علائقي منگهو پير چوڪي ڏانهن منتقل ڪيو ويندو آهي جتان اهو ناردرن بائي پاس ۽ گلشن معمار ڏانهن وڪرو ڪيو ويندو آهي.ذريعن موجب، هي ڪاروبار منگهو پير جي همدرد چوڪي جي سرپرستي هيٺ هلي رهيو آهي. منگهو پير کان ناردرن بائي پاس ۽ گلشن معمار تائين ڪيترائي غير قانوني نوزل ڊيپو قائم آهن، جڏهن ته هن سڄي نيٽ ورڪ جي ذميواري چنگيز ۽ آصف نالي هڪ شخص تي آهي، جيڪو همدرد چوڪي جا انچارج آهن.
