تحران (ويب ڊيسڪ)ايران جي پاسداران انقلاب جي سربراهه جنرل حسين سلامي چيو آهي ته صيحوني رياست جي خاتمي سان اسان جو انتقام بند ٿي ويندو.ايران جي راڄڌاني تهران ۾ جلسي کي خطاب ڪندي جنرل حسين سلامي چيو ته ايران پنهنجي شهرين جي موت کي وساري نٿو سگهي، اسان جو بدلو ڏاڍو خوفناڪ هوندو.جنرل حسين سلامي چيو ته 7 آڪٽوبر تي اسرائيل خلاف طوفان الاقصي جو آپريشن مڪمل طور تي فلسطيني آپريشن هو جيڪو خود فلسطينين طرفان ڪيو ويو هو ظلم ۽ بربريت جو ردعمل هو.هن چيو ته طوفان الاقصي آپريشن غزه ۽ ويسٽ بئنڪ جي مظلوم فلسطينين جي سچي آواز طور سامهون آيو، غزه جي پٽي ۾ اسرائيل خلاف سرگرم حماس ۽ اسلامي جهاد پنهنجا هٿيار تيار ڪري رهيا آهن.
