ڪراچي (اسٽاف رپورٽر)ڪراچي ۾ چار ڏينهن واري عالمي اردو ڪانفرنس شروع ٿي وئي آهي، گورنر سنڌ ڪامران ٽيسوري افتتاحي تقريب ۾ شرڪت ڪئي، آرٽس ڪائونسل ڪراچي ۾ 18 هين عالمي اردو ڪانفرنس جو آغاز قرآن پاڪ جي تلاوت کان پوءِ قومي ترانو وڄائي ڪيو ويو. تقريب ۾ عالمي اردو ڪانفرنس تي ٺهيل هڪ شو ريلي پيش ڪئي وئي.شاگردن ۽ عوام عالمي اردو ڪانفرنس ۾ شرڪت ڪئي. تقريب ۾ قائداعظم محمد علي جناح جي سالگرهه ۽ ڪرسمس جا ڪيڪ پڻ ڪٽيا ويا. صدر آرٽس ڪائونسل استقباليه تقرير ڪئي ۽ ليکڪ ناصر عباس نيئر اهم تقرير ڪئي.صدر آرٽس ڪائونسل ڪراچي محمد احمد شاهه پنهنجن خيالن جو اظهار ڪندي چيو ته عالمي اردو ڪانفرنس کي پاڪستان جي جشن جو نالو ڏنو ويو آهي، ۽ اسان پاڪستان جي محسنن کي خراج تحسين پيش ڪري رهيا آهيون.محمد احمد شاهه چيو ته پهرين عالمي اردو ڪانفرنس لاءِ پئسا نه هئا. سڄي شهر گڏجي سڀ کان وڏي اردو ڪانفرنس جي بنياد رکي. ثقافت، ادب ۽ فن جي طاقت بندوقن کان وڏي آهي. سڄي دنيا جا ليکڪ ڪانفرنس جو حصو بڻجن ٿا. اسان کي پاڪستان ڏيڻ لاءِ قائداعظم جو شڪريو.
