اسلام آباد(بيورو رپورٽ) قومي اسيمبلي ڪشمير جي استحصال جي ڏينهن تي هڪ قرارداد منظور ڪئي آهي.قومي اسيمبلي ۾ پارليامينٽ ميمبر شازيه مري ۽ وفاقي وزير امير مقام پاران والاريل ڪشمير بابت قراردادون پيش ڪيون ويون.قرارداد ۾ ڪشمير جي جوڙجڪ کي تبديل ڪرڻ جي ڀارتي قدمن جي مذمت ڪئي وئي ۽ مطالبو ڪيو ويو ته ڀارت 5 آگسٽ جا غير قانوني قدم واپس وٺي.قرارداد ۾ وڌيڪ چيو ويو آهي ته ڪشميرين تي ڀارتي ظلم جنيوا ڪنوينشن جي خلاف ورزي آهي، ڪشميرين تي ڀارتي فوج جي جاري ظلمن جي مذمت ڪئي وئي آهي ۽ پاڪستان ڪشمير کي غير متزلزل اخلاقي ۽ سفارتي مدد فراهم ڪندو رهندو.ايوان ۾ ڳالهائيندي ڪشمير معاملن جي وفاقي وزير امير مقام چيو ته ڀارت جي پنهنجي آئين موجب ڪشمير جي خاص حيثيت کي تبديل نٿو ڪري سگهجي، ۽ ڀارت جي قدمن کي ماضي ۾ به رد ڪيو ويو آهي ۽ اڄ به رد ڪيو پيو وڃي.هن چيو ته آپريشن بنيان مارسس کان پوءِ ڀارت کي احساس ٿيو ته هو ڪيتري پاڻي ۾ آهي.
