اسلام آباد (بيورو رپورٽ)اسلام آباد هاءِ ڪورٽ جو چوڻ آهي ته تحريڪ انصاف جي باني عمران خان ۽ پي ٽي آءِ چيئرمين بئريسٽر گوهر علي خان جي چونڊن واري معاملي تي مخالف ڌر حڪومت جي غير جانبداري تي سوال اٿارين.اسلام آباد هاءِ ڪورٽ پي ٽي آءِ چيئرمين بئريسٽر گوهر ۽ ٻين وڪيلن جي باني پي ٽي آءِ سان ملاقات جي درخواست منظور ڪندي چيئرمين پي ٽي آءِ کي باني پي ٽي آءِ سان مشاورت جي اجازت ڏئي ڇڏي.عدالت چيو ته چونڊن لاءِ مشاورت جي اجازت بنيادي حق آهي، نگران حڪومت کي چونڊن ۾ غير جانبدار هجڻ گهرجي، مشاورت ۾ باني ۽ چيئرمين پي ٽي آءِ جي مخالف ڌر حڪومت جي غير جانبداري تي سوال اٿارين.اسلام آباد هاءِ ڪورٽ ۾ ايڊيشنل اٽارني جنرل ۽ اڊيالا جيل جو سپرنٽينڊنٽ پيش ٿيا، جڏهن ته پي ٽي آءِ جي وڪيل چيو ته تحريڪ انصاف جي 700 ٽڪيٽن جي ورهاست لاءِ مشاورت جي ضرورت آهي.عدالت اٽارني جنرل ۽ ايڊووڪيٽ جنرل جي درخواست داخل ڪرڻ جي مخالفت تي ڪاوڙ جو اظهار ڪندي چيو ته ڇا سپريم ڪورٽ جو اضافي نوٽ اوهان لاءِ ڪافي ناهي؟ جسٽس ميان گل حسن اورنگزيب رمارڪس ڏنا ته سپريم ڪورٽ کانپوءِ ڇا توهان چاهيو ٿا ته مان توهان جي خلاف نوٽس لکان؟ ايڊووڪيٽ جنرل ۽ اٽارني جنرل آفيس نگران حڪومت جي نمائندگي ڪري رهيا آهن، ايڊووڪيٽ جنرل ۽ اٽارني جنرل آفيس کي غير جانبدار هجڻ گهرجي.معزز جج رمارڪس ڏنا ته نگران حڪومت جي نگرانيءَ ۾ خوفناڪ نظام هلي رهيو آهي، چونڊ مشاورت جي به اجازت ناهي، ڇا نگران حڪومت چونڊون کٽائڻ چاهي ٿي؟ اسلام آباد هاءِ ڪورٽ چيو آهي ته ٽڪيٽن تي پي ٽي آءِ جي باني ۽ چيئرمين جي مشاورت بنيادي حق آهي، عدالت پي ٽي آءِ جي باني ۽ چيئرمين جي اڊيالا جيل سپرنٽينڊنٽ جي نگراني ۾ ملاقات جي اجازت ڏيندي درخواست اڪلائي ڇڏي.
