اسلام آباد (بيورو رپورٽ)اسلام آباد جي ڊسٽرڪٽ اينڊ سيشن ڪورٽ پي ٽي آءِ جي باني بشرا بي بي جي عبوري ضمانت ۾ واڌ ڪري ڇڏي.اسلام آباد جي ڊسٽرڪٽ اينڊ سيشن ڪورٽ ۾ پي ٽي آءِ جي باني خلاف 6 ڄڻن ۽ بشرا بي بي جي ضمانت واري درخواست تي ٻڌڻي ٿي.درخواستن تي ٻڌڻي ايڊيشنل سيشن جج طاهر عباس سپرا ڪئي، جنهن دوران بشرا بي بي پنهنجي قانوني ٽيم سميت سيشن عدالت ۾ پيش ٿي.عدالت ۾ پي ٽي آءِ جي وڪيل چيو ته پي ٽي آءِ جي باني جون 3 درخواستون اي ٽي سي منظور ڪري ورتيون آهن.جج پڇاڻو ڪيو ته اي ٽي سي ڪهڙي بنياد تي پي ٽي آءِ جي باني جي ضمانت واري درخواست منظور ڪئي؟،پي ٽي آءِ جي وڪيل جواب ڏنو ته پي ٽي آءِ باني به موقعي تي موجود نه هئا، عدالت انهن جي عدالتي پيشي تي رپورٽ طلب ڪري ورتي آهي.جج پڇاڻو ڪيو ته پروڊڪشن رپورٽ ڪٿي آهي؟ پراسيڪيوٽر عدالت ۾ ڇو نه آهي؟،پي ٽي آءِ جي وڪيل چيو ته پوليس ڄاڻي واڻي پي ٽي آءِ جي باني کي عدالت ۾ پيش ڪرڻ نٿي چاهي،جج پي ٽي آءِ جي وڪيلن کي چيو ته توهان اها روايت قائم ڪئي آهي ته توهان جتي به هجو عدالت حاضر ٿيندي آهي،پي ٽي آءِ جي وڪيل چيو ته پي ٽي آءِ جا باني هميشه عدالتن ۾ پيش ٿيا، جوابدار گرفتاري کان اڳ ضمانت واري درخواست تي عدالت ۾ پيش ٿين، جج طاهر عباس سپرو چيو ته مان پڇان ٿو ته رپورٽ عدالت ۾ پيش ڪئي وڃي، فيصلو ڪيو وڃي ته ايندڙ تاريخ تائين ٻڌڻي ڪٿي ٿيندي، اسلام آباد هاءِ ڪورٽ ۾ بشرا بي بي جي درخواست جي ڪهڙي حيثيت آهي؟،وڪيل جواب ڏنو ته اسلام آباد هاءِ ڪورٽ ۾ بشرا بي بي جي آڊيو ليڪس بابت رپورٽ ٻڌڻي هيٺ آهي،بعد ۾ عدالت پي ٽي آءِ باني جي عبوري ضمانت ۾ 19 ڊسمبر ۽ بشرا بي بي جي ضمانت ۾ 2 جنوري تائين واڌ ڪري ڇڏي.
