اسلام آباد (بيورو رپورٽ)اسلام آباد هاءِ ڪورٽ جي چيف جسٽس عامر فاروق پي ٽي آءِ جي وائيس چيئرمين شاهه محمود قريشي جي جيل ٽرائل خلاف درخواست تي فيصلو محفوظ ڪري ورتو.ٻڌڻي جي شروعات تي وڪيل محفوظ علي بخاري چيو ته جيل ٽرائل سيڪيورٽي لاءِ آهي، گهر وارن کي ٽرائل ٻڌڻ جي اجازت ڏني وڃي.اسلام آباد هاءِ ڪورٽ جي چيف جسٽس عامر فاروق پڇاڻو ڪيو ته ڇا اهو عمل آهي يا ان سان لاڳاپيل ڪو قانون آهي؟ اسان جيل ٽرائل ۽ ڪئميرا جي ڪارروائي کي گڏ ڪري رهيا آهيون.وڪيل محفوظ علي بخاري چيو ته اڃا تائين ان ڪئميرا ڪارروائي جو ڪو به حڪم ناهي آيو، جيل ٽرائل ۾ پرزائيڊنگ آفيسر کي ڪيترائي اختيار آهن، پرزائيڊنگ آفيسر جيل سپرنٽينڊنٽ کي آرڊر ڏئي سگهي ٿو، درخواست ناهي.اسلام آباد هاءِ ڪورٽ جي چيف جسٽس عامر فاروق پڇاڻو ڪيو ته ڇا اوهان جيل ٽرائل جي ڪنهن ٻڌڻي ۾ شرڪت ڪئي؟ وڪيل علي بخاري چيو ته عدالت ننڍي ڪمري ۾ ٽرائل لاءِ قائم آهي.چيف جسٽس اسلام آباد هاءِ ڪورٽ ايڊيشنل اٽارني جنرل کان پڇاڻو ڪيو ته ڇا اڊيالا جيل ۾ گنجائش ايتري گهٽ ٿي وئي آهي؟ عدالت چيو ته جوابدار کي وڪيل سان صلاح ڪرڻ جي حق کان محروم نٿو ڪري سگهجي، جوابدار کي فرد جرم لاڳو ڪرڻ کان اڳ وڪيل سان صلاح ڪرڻ جي اجازت ڏني وڃي.وڪيل چيو ته ٽرائل لاءِ پنجري جهڙو ڪمرو آهي جنهن ۾ گهڻن ماڻهن جي ويهڻ جي گنجائش ناهي.اسلام آباد هاءِ ڪورٽ جي چيف جسٽس عامر فاروق چيو آهي ته ٽرائل هلڻو آهي، جيل ۾ هلڻو آهي ته بهتر جاءِ هجڻ گهرجي.هي هڪ ڏينهن جي ڳالهه ناهي، ٽرائل هلڻو آهي، ثبوت رڪارڊ ٿيڻا آهن.
