لاهور (ڊيسڪ نيوز) مسلم ليگ (ن) جي قائد ۽ اڳوڻي وزيراعظم ميان نواز شريف احتساب عدالت لاهور ۾ پيشيءَ واري موقعي تي صحافين سان مختصر ڳالهه ٻولهه ڪندي چيو آهي ”اسان مولانا فضل الرحمان جي آزادي مارچ جي حمايت جو فيصلو ڪري چڪا آهيون. مولانا فضل الرحمان 2018 ۾ ٿيل عام چونڊن وقت اسمبلي مان استعيفيٰ جي ڳالهه ڪئي هئي ۽ جيڪوموقف اختيار ڪيو ان تي اڄ به قائم آهي ۽ هن جو موقف ٺيڪ هو. پاڪستان مسلم ليگ (ن) مولانا جي احتجاج جي حمايت جاري رکندي“. ميان نواز شريف کي نيب پاران چوڌري شگر ملز ڪيس ۾ مک ملزم طور ڪوٽ لکپت جيل مان گرفتار ڪرڻ بعد احتساب عدالت لاهور۾ پيش ڪيو ويو. ان موقعي تي عدالت ٻاهران سخت سيڪيورٽيءَ جا انتظام ڪيا ويا. عدالت ڏانهن ايندڙ رستن تي رڪاوٽون رکي عام ماڻهن جي اچ وڃ محدود ڪئي وئي. ميان نواز شريف خلاف هڪ ٻيو ڪيس ٺاهڻ خلاف مسلم ليگ (ن) جي ڪارڪنن لاهور ۾ احتجاج پڻ ڪيو. واضح رهي ته نئين تيار ٿيل ڪيس ۾ نيب چيئرمين پاران گرفتاريءَ جي منظوري ڏيڻ کانپوءِ نيب ٽيم ڪوٽ لکپت جيل ۾ قيد نواز شريف کي باضابطه گرفتار ڪري احتساب عدالت لاهور ۾ پيش ڪيو. ياد رهي ته چوڌري شگر ملز ڪيس ۾ سندس ڌيءُ مريم نواز ۽ ڀائيٽو يوسف عباس اڳ ۾ گرفتار ٿيل آهن. ميان نواز شريف جي عدالت ۾ پيش ٿيڻ واري ڳالهه ٻڌي مسلم ليگ (ن) جا ڪارڪن وڏي انگ ۾ عدالت پهچڻ شروع ٿي ويا آهن. نيب ذريعن جو چوڻ آهي ته نواز شريف چوڌري شگرملزم ڪيس جو مک ملزم آهي ۽ کيس گرفتاري وارنٽ به اماڻيا ويا هئا ۽ اڄ گرفتاريءَ کانپوءِ ميان نواز شريف کي احتساب عدالت 14 ڏينهن جي جسماني رمانڊ تي نيب حوالي ڪيو. ياد رهي ته نواز شريف کي سزا ملڻ بعد پارٽي جي صدارت ميان شهباز شريف جي حوالي آهي ۽ هن مولانا جي مارڄ ۾ شرڪت کان لنوايو پئي پر نواز شريف کيس چيو ته جيڪڏهن توهان بيمار آهيو ته ٻيو ڪو شرڪت ڪري نمائندگي ڪندو. آزادي مارچ ۾ شموليت بابت ٻنهي ڀائرن ۾ اختلاف هاڻي راز ناهي رهيو.
’ايس آءِ ايف سي جي ڪاميابين، تنقيد ڪندڙن جو وات بند ڪيو آهي‘
دنيا ۾ 3 ڪروڙ ٻار تماڪو استعمال ڪن ٿا، ڊبليو ايڇ او
ڪي اليڪٽرڪ جون پاليسيون سمجهه کان ٻاهر آهن
هفتي دوران مهانگائي جي شرح ۾ 0.34 سيڪڙو گهٽتائي رڪارڊ
ورلڊڪپ ۾ پهريون ڀيرو 3 پاڪستاني امپائرنگ ڪندا
گرمي جي لهر جاري، دادو ۽ موهن جو دڙو ۾ پد 50 ڊگري
گڏاڻي جي قاتلن جي گرفتاري لاءِ احتجاجي مظاهرا، روڊ بلاڪ
پيءُ ڌيءَ کي قتل ڪري پاڻ به آپگهات ڪري ڇڏيو
گوجر خان ۽ نارووال ۾ آسماني بجلي ڪرڻ سبب 5 ڄڻا فوت
سولجر بازار ۾ گهر اندر سلينڊر ڌماڪو، 8 ڄڻا سڙي زخمي
پشاور لوڊشيڊنگ، عوام گرڊ ۾ گهڙي زوري بجلي کولي ڇڏي
ڪراچي وارا قرضي آهن، بل ڏين لوڊشيڊنگ نه ٿيندي: علوي
بلوچستان جي ڪيترن ئي علائقن ۾ گيس جي فراهمي معطل
پارٽي سيڪريٽريٽ ٽوڙڻ سان عوامي حمايت وڌندي: شيخ
مفروضن تي بجيٽ پيش ڪرڻ عوامي توهين آهي، امير مقام
پارٽي آفيس سيل ڪرڻ خلاف مزاحمت، مغل جي ضمانت منظور
هيرس جي خطاب دوران فلسطينين جي حامين جو احتجاج
هم جنس پرستي حرام آهي: فيصل قريشي
واٽس ايپ صارفين جي ڊيٽا غلط استعمال ڪري ٿو، مسڪ
سنڌ ۾ ظلم جي گرمي ۽ بجليءَ جو بحران