راولپنڊي(ويب ڊيسڪ)ٽه ملڪي ون ڊي ٽورنامينٽ جي پهرين ميچ ۾ پاڪستان سريلنڪا کي 37 رنز تان شڪست ڏئي ڪاميابي حاصل ڪئي.
سريلنڪا ٽاس کٽي فيلڊنگ جو فيصلو ڪيو، پاڪستان جي پوري ٽيم 49.5 اوورن ۾ 305 رنسون ٺاهي آئوٽ ٿي وئي. سلمان آغا 107، بابراعظم 45 ۽ ڊيبيو ڪندڙ وڪٽ ڪيپر بيٽر سعد بيگ 39 رنز ٺاهي نمايان رهيا.
ايشان ملنگا 46 رنز ڏئي 4، اَسٿا فرنانڊو 59 رنز ڏئي 3، دلشان مڌوشنڪا 67 رنز ڏئي 2 وڪيٽون ورتيون.
جواب ۾ سريلنڪا جي ٽيم 48.1 اوورن ۾ 268 رنز ٺاهي آئوٽ ٿي وئي. پون رٿنايڪي 79، جينٿ ليانيج 60 ۽ ڪمندو مينڊس 44 رنز ٺاهي نمايان رهيا.
شاهين آفريدي 55 رنز ڏئي 3 وڪيٽون، نسيم شاهه ۽ حارث رئوف ٻه ٻه وڪيٽون ورتيون.
پاڪستان 20 آڪٽوبر تي بئي ميچ انگلينڊ سان کيڏندو ۽ 22 آڪٽوبر تي سريلنڪا ۽ انگلينڊ جو ميچ ٿيندو. جنهن بعد بقايا 4 ميچز لاهور جي قذافي اسٽيڊيم ۾ کيڏيا ويندا.
