ممبئي (ويب ڊيسڪ) بالي ووڊ جي مشهور جوڙي سيف علي خان ۽ ڪرينا ڪپور خان جي محبت جي ڪهاڻي هڪ ڀيرو ٻيهر خبرن ۾ اچي وئي آهي. ڪامريڊين ڪپل شرما جي شو دي گريٽ انڊين ڪپل شو ۾ شرڪت دوران ڪرينا ڪپور پنهنجي شاديءَ بابت دلچسپ انڪشاف ڪيو. ڪرينا ٻڌايو ته سيف علي خان کيس پهريون ڀيرو ممبئي، ٻيو ڀيرو يونان ۽ ٽيون ڀيرو پيرس ۾ شاديءَ جي آڇ ڪئي هئي. هن پهرين ٻن آڇن کي رد ڪيو، پر ٽيون ڀيرو ها ڪئي. سيف علي خان مزاحيه انداز ۾ چيو ته جيڪڏهن ڪرينا ممبئي ۾ ئي ها ڪري ها ته سندس ڪافي پئسا بچي وڃن ها. واضح رهي ته ٻنهي جي محبت 2007ع ۾ فلم ٽشن جي شوٽنگ دوران شروع ٿي ۽ ڪيترن سالن تائين هڪ ٻئي سان لاڳاپن ۾ رهڻ کانپوءِ آڪٽوبر 2012ع ۾ شادي ڪيائون. ٻنهي کي ٻه پٽ، تيمور علي خان ۽ جهانگير علي خان آهن.
