ڪوئيٽا (ويب ڊيسڪ)بلوچستان جي گادي واري شهر ڪوئيٽا ۾ بجيٽ اجلاس کان پهريان اپوزيشن جي احتجاج، صوبائي اسيمبلي کي ميدان جنگ ۾ بدلائي ڇڏيو. اپوزيشن جي ميمبرن بجيٽ اجلاس کان اڳ بلوچستان اسيمبلي جي سڀني دروازن کي لاڪ ڪري ڇڏيو. پوليس اهلڪارن ايم پي اي هاسٽل جي ويجهو اسيمبلي جو دروازو کولڻ جي ڪوشش ڪئي ، جنهن بعد مخالف ڌر جي ميمبرن ۽ پوليس اهلڪارن ۾ تلخ ڪلامي ٿي. انهي دوران پوليس جي بڪتربند گاڏي ٽڪر هڻي اسيمبلي جي گيٽ کي ٽوڙي ڇڏيو، جنهن جي زد ۾ اچي اسيمبلي ميمبر بابر رحيم ۽ عبدالواحد صديقي زخمي ٿي پيا. واقعي کانپوءِ پوليس ۽ اپوزيشن جا ميمبر آمهون سامهون ٿي ويا ۽ جهيڙو ٿي پيو جڏهن ته پوليس اپوزيشن ميمبرن کي ڇڙوڇڙ ڪرڻ لاءِ شيلنگ ڪئي. هنگامي دوران اپوزيشن جا ڪيترائي ميمبر زخمي ٿي پيا ، جڏهن ته اسيمبلي ۾ ڪيترائي شيشا ٽٽي پيا. ان دوران بلوچستان جو وڏو وزير ڄام ڪمال صوبائي وزيرن کي اسيمبلي اندر وٺي وڃڻ ۾ ڪامياب ٿي ويو. ان کان اڳ ڏينهن جو اپوزيشن وارن ڌرڻا هڻي ڪوئٽا جي ٻين شهرن ڏانهن ويندڙ روڊ بند ڪيا هئا. اپوزيشن جو چوڻ آهي ته بجيٽ ۾ ٽن سالن کان سندن حلقن ۾ حڪومت ترقياتي منصوبا بند ڪري ڇڏيا آهن ۽ سندن ترقياتي منصوبن لاءِ فنڊز روڪي ڇڏيا آهن. بلوچستان حڪومت جي ترجمان لياقت شاهواڻي اپوزيشن جا الزام رد ڪندي چيو ته هو پنهنجا مطالبا ايوان ۾ پيش ڪن، اجلاس جي ڪاروائي روڪڻ غير جمهوري عمل آهي. بعد ۾ بلوچستان جي بجيٽ پيش ڪئي وئي. جنهن جو ڪل حجم 584 ارب آهي، بلوچستان جي هي خساري واري بجيٽ آهي، آمدني جو اندازو 499 ارب لڳايو ويو آهي.
سنڌيار سکر 21 سيپٽمبر 2024ع
سنڌيار ڪراچي 21 سيپٽمبر 2024ع
پي ٽي آءِ کي مينار پاڪستان بدران ٻئي هنڌ تي جلسي جي اجازت
پارليمنٽ عوام بدران طاقتور جي خدمت ڪري پئي: فضل الرحمان
ججز ڪميٽي مان جسٽس منيب آئوٽ،جسٽس امين اِن،هم خيال جو تاثر وڌڻ لڳو
ڪراچي مان بين الصوبائي منشيات ڊيلر پيءُ ۽ ڌيءُ گرفتار
تمام جلد واٽس ايپ تبديل ٿي ويندو
عدالتي فيصلي تي مخصوص سيٽون الاٽ ڪيون وڃن، ڪي پي اسپيڪر
سنڌ جا 19 هزار 808 اسڪول برساتن سبب متاثر ، 7,503 مڪمل تباهه
شهيد مير مرتضيٰ ڀٽو جي 28 هين ورسي ملهائي پئي وڃي
وزيرستان ۾ جھڙپ، 12 خوارج مارجي ويا، 6 جوان شهيد
پناهگير ڪيمپ تي اسرائيلي حملي ۾ ٻارن سميت 8 ڄڻا شهيد
صدر جي پريڪٽس اينڊ پروسيجر آرڊيننس تي صحيح،فوري لاڳو
آرڊيننس تحت ججز ڪميٽي جي نئين سر جوڙجڪ ڪئي وئي: تارڙ
پنجاب ۾ اليڪشن ٽربيونل ڪيس ٻڌڻي لاءِ مقرر
پي ٽي آءِ جلسو، ڊي سي جي لاهور پوليس کان رپورٽ طلب
ايف بي آر جي انفورسمينٽ سسٽم کي بهتر بڻائڻ ضروري آهي
شهرين جي آزادي تي ڪو سمجهوتو نه ٿو ڪري سگهجي: عدالت
اسٽاڪ مارڪيٽ 82 هزار جي تاريخي حد پار ڪري ورتي
آءِ سي سي وفد جي نقوي سان ملاقات،انتظامن تي اعتماد