لاس اينجلس(ويب ڊيسڪ) هالي ووڊ اداڪارا انجلينا جولي هڪ ڀيرو ٻيهر دنيا جو ڌيان غزه ۾ ٿيل تباهي طرف ڇڪائيندي چيو آهي ته غزه جا سمورا علائقا ملبي جي ڍير ۾ تبديل ٿي چڪا آهن.انجلينا جولي غزه جي تباهي جون سيٽلائيٽ تصويرون شيئر ڪندي چيو ته اتي گهر، اسڪول، اسپتال، روڊ ۽ بنيادي سهولتون وڏي پيماني تي تباهه ٿي چڪيون آهن. هن خبردار ڪيو ته سردي جي آمد کان اڳ غزه جي 94 سيڪڙو آبادي کي رهائش ۽ ضروري سامان جي ضرورت آهي. واضح رهي ته ان کان اڳ به انجلينا جولي چيو هو ته غزه فلسطينين ۽ انهن جي مدد ڪندڙن لاءِ اجتماعي قبر بڻجي چڪو آهي. انجلينا جولي جي ان بيان تي انتهاپسند يهودي ڌرين طرفان ڪاوڙ ۽ ردعمل جو اظهار پڻ ڪيو ويو هو.
