لاهور (ويب ڊيسڪ) پرتگال جي ايف سي پورٽو سيالڪوٽ فٽبال اڪيڊمي سان ڀائيواري جو معاهدو ڪيو، ايف سي پورٽو جي پهرين ڊريگن فورس اڪيڊمي پاڪستان ۾ قائم ڪئي ويندي.هن ڀائيواري تحت، پاڪستاني رانديگرن کي جديد ۽ جامع تربيت فراهم ڪئي ويندي، جنهن ۾ ايف سي پورٽو رانديگرن، ڪوچز ۽ مينيجرز جي تربيت لاءِ سهڪار فراهم ڪندو.هي اڪيڊمي نوجوان پاڪستانين کي عالمي معيار جي فٽبال تربيتي طريقن کان متعارف ڪرائيندي.هن ڀائيواري جو مقصد پاڪستاني نوجوانن کي عالمي راندين جي ميدان ۾ اڳتي وڌڻ جا موقعا فراهم ڪرڻ آهي.ايف سي پورٽو جون ”ڊريگن فورس“ اڪيڊميون اڳ ۾ ئي ڏهه ملڪن ۾ قائم آهن، جن ۾ ميڪسيڪو، برازيل، ڪولمبيا، ترڪي، موزمبيق ۽ ڀارت شامل آهن.قابلِ ذڪر ڳالهه اها آهي ته ايف سي پورٽو ۽ سيالڪوٽ فٽبال اڪيڊمي جي وچ ۾ هن ڀائيواري واري معاهدي ۾ پاڪستاني سفارتخاني سهولتڪاري جو ڪردار ادا ڪيو.
