Daily Sindhyar Daily Sindhyar Karachi |
ڪابل ۾ خود ڪش حملو 6 فوت ڪيترائي زخمي https://www.dailysindhyar.com/%da%aa%d8%a7%d8%a8%d9%84-%db%be-%d8%ae%d9%88%d8%af-%da%aa%d8%b4-%d8%ad%d9%85%d9%84%d9%88-6-%d9%81%d9%88%d8%aa-%da%aa%d9%8a%d8%aa%d8%b1%d8%a7%d8%a6%d9%8a-%d8%b2%d8%ae%d9%85%d9%8a/ |
ڪابل(ويب ڊيسڪ) افغانستان جي پرڏيهي کاتي لڳ خودڪش ڌماڪي ۾ 6 شهري مارجي ويا ۽ ڪيترائي ٻيا زخمي ٿيا آهن. طالبان حڪومت جي ترجمان نافع ٽڪور چيو ته افغان فورسز مشڪوڪ شخص کي سڃاڻي ورتو ۽ جڏهن کيس گولي هنئي وئي ته ان جي جسم ۾ لڳل بارود ڌماڪي سان ڦاٽي پيو. ڪابل جي پرڏيهي کاتي لڳ ٽن مهينن کان به گهٽ عرصي ۾ هي ٻيو دهشتگردي جو واقعو آهي. 11 جنوري تي خود ڪش بمبار ڌماڪو ڪيو هو جنهن ۾ 10 فوت ۽ 53 زخمي ٿيا هئا. رمضان جي مقدس مهيني ۾ ٿيل پهرين ڌماڪي جي اڃا ڪنهن ذميواري قبول ناهي ڪئي پر اسلامڪ اسٽيٽ يعني داعش طالبان خلاف هڪ مضبوط گروهه سمجهو وڃي ٿو جيڪو طالبان حڪومت خلف پرتشدد ڪارواين ۾ ملوث آهي.