اداڪاره ايمان سليمان اچانڪ مڱڻي ڪري ڇڏي، شادي جو اعلان

ڪراچي (ويب ڊيسڪ) پنهنجي بيباڪ انداز ۽ عورتن جي برابري متعلق آواز اٿاريندڙ ماڊل ۽ ادڪاره ايمان سليمان اچانڪ منڱڻي ۽ جلد شادي جو اعلان ڪري مداحن کي حيران ڪري ڇڏيو. ايمان سليمان جي جلد پهرين فلم زندگي تماشا رليز ٿيڻ واري آهي ۽ ممڪن آهي ته فلم رليز ٿيڻ سان گڏ هو شادي به ڪري وٺندي. ايمان سليمان پنهنجي انسٽاگرام پوسٽ ۾ پنهنجي مڱيندي سان گڏ تصوير شيئر ڪندي مداحن کي آگاهه ڪيو ته هنن ۾ 3 مهينا اڳ ٿيندڙ دوست جميل سان مڱڻي ڪري ڇڏي آهي ۽ جلد ان سان شادي ڪرڻ واري آهي. پنهنجي مختلف انداز بيان ۾ هن شادي ۽ جميل سان تعلقات سميت پنهنجي خاندان وارن جي ردعمل تي به ڳالهه ڪئي ۽ ٻڌايو ته پاڪستان ۾ رهندي هو شادي بغير هڪ مرد سان دوستن واري زندگي نه ٿي گذاري سگهي ۽ ان جا والدين به اهڙي عمل تي ناراض ٿيندا. اداڪاره جو چوڻ هو ته جيئن ئي ان جي والدين کي جميل سان تعلقات جو علم ٿيو ته هنن فوري طور شادي ڪرڻ جو چيو. هن چيو ته ڪجهه ماڻهو پنهنجي محبت کي رشتي ۾ بدلائڻ لاءِ شادي ڪندا آهن ۽ ڪجهه ماڻهو شادي ڪري محبت ڪندا آهن اهڙا ئي ڪجهه ماڻهو تنهائي ختم ڪرڻ ۽ ساٿي جي چاهت ۾ شادي ڪندا آهن. ايمان سليمان طرفان شادي ڪرڻ کان اڳ طلاق جون ڳالهيون ڪرڻ تي ڪجهه مداح حيران پڻ رهيا ۽ هنن سوشل ميڊيا پوسٽ تي ان جو اظهار به ڪيو.

پهنجو تبصرو موڪليو