اسلام آباد(رپورٽ الله وسايو گهوٽو)حڪومت 26 نومبر کان 10 جنوري تائين سڄي ملڪ ۾ تعليمي ادارا بند ڪرڻ جو اعلان ڪري ڇڏيو آهي. ملڪ ۾ ڪورونا جي ٻي لهر دوران ڪيسن جو تعداد خوفناڪ حد تي پهچي چڪو آهي ۽ تعليمي ادارن ۾ ڪورونا ڪيسن جي مثبت شرح 82 سيڪڙو تي پهچي چڪي آهي.تعليم واري وفاقي وزير شفقت محمود جي صدارت هيٺ اجلاس ٿيو جنهن ۾ ملڪ ۽ خاص طور تي تعليمي ادارن ۾ ڪورونا ڪيسن جي صورتحال جو جائزو ورتو ويو. اجلاس کانپوءِ ميڊيا سان ڳالهه ٻولهه ڪندي شفقت محمود چيو ته 26 نومبر کان اسڪول ، ڪاليجون يونيورسٽيون ۽ ٽيوشن سينٽر بند ڪرڻ جو فيصلو ڪيو ويو آهي.شفقت محمود چيو ته تعليمي ادارا 26 نومبر کان 24 ڊسمبر تائين بند رهندا ۽ 25 ڊسمبر کان 10 جنوري تائين سياري جون موڪلون هونديون 11 جنوري کان تعليمي ادارا ٻيهر کوليا ويندا. هن چيو تا جتي آن لائن سسٽم هوندو اتي آن لائن ڪلاس هلندا ۽ جتي آن لائن سسٽم نه هوندو ، اتي استاد شاگردن کي گهر۾ پڙهڻ جو ڪم ڏيندا جڏهن ته فيصلا صوبائي حڪومتون ڪنديون “ هن وڌيڪ چيو ته صوبائي حڪومتون پنهنجي صوبي متعلق فيصلا ڪنديون. شفقت محمود چيو ته ڊسمبر ۾ ٿيندڙ سمورا امتحان 15 جنوري تائين ملتوي ڪيا ويا آهن ، داخلا سطح جا امتحان معمول موجب جاري رهندا ۽ ايس او پيز سان منعقد ٿي سگهن ٿا جڏهن ته ڏورانهن علائقن جي يونيورسٽين جي هاسٽلن ۾ رهندڙ ٽيون حصوشاگردن کي رهڻ جي اجازت هوندي.هن وڌيڪ چيو ته جنوري جي پهرين هفتي ڪورونا جي صورتحال کي ڏسڻ لاء هڪ اجلاس منعقد ڪيو ويندو ته جيئن بيماري جي صورتحال کي ڏسي ان مطابق فيصلو ڪري سگهجي ۽ 11 جنوري تي تعليمي ادارا ٻيهر کولي سگهجن.تعليم واري وزير چيو ته ووڪيشنل ادارا جيڪي روزانه ڪلاس ناهن هلائيندا آهن اهي ۽ سينئر ميڊيڪل ٽريننگون جاري رهنديون. شفقت محمود چيو ته بورڊ سفارش ڪري رهي آهي ته امتحان جيڪي مارچ ۽ اپريل ۾ ٿيڻ وارا آهن اها مئي کان جون تائين ڪيا وڃن .جڏهن تعليمي ادارا کليل هوندا ته شاگردن کي ڪورس جو ڪم مڪمل ڪرڻ جو وقت ملي ويندو. تعليمي سال اپريل جي بدران آگسٽ تائين وڌايو وڃي ۽ اونهاري جون موڪلون گهٽ ڪيون وڃن.ياد رهي ته ڪورونا وائرس سڄي ملڪ ۾ تيزي سان پکڙجي رهيو آهي تنهنڪري تعليمي ادارا بند ڪرڻ جو حڪم جاري ڪيو ويو آهي
نيشنل بئنڪ اسٽيڊيم ۾ پاڻي جي فراهمي ۽ نيڪالي جا انتظام مڪمل
پارليمنٽ گڏيل اجلاس،صدر جو خطاب،اپوزيشن جو احتجاج
عدالتي معاملن ۾ مداخلت،اسلام آباد بار جو سپريم ڪورٽ سان رابطو
قادر پٽيل جي ڪاميابي چئلينج، عدالت نوٽيس جاري ڪري ڇڏيا
ناڻي جا ذخيرا مضبوط، رپئي جي قيمت ۾ گهٽتائي جو امڪان ناهي
9 مئي سانحي جا ذميوار اڄ ملڪي مفاد تي حملا ڪن پيا: عطاءُالله تارڙ
ڪي پي ۾ برساتن ۽ ٻوڏ کان پوءِ ڊينگي پکڙجڻ جو امڪان
پرويز خٽڪ پاران پ پ ۾ شموليت لاءِ ڪوششون تيز
مدي خارج آءِ ڊي ڪارڊن تي جاري سمون بند ڪرڻ جو حڪم
پنجاب ۾ پلاسٽڪ جي ٿيلهين جي استعمال تي پابندي لاڳو
دهشتگردي خلاف پاڪستان جي ڪوششن جي حمايت ڪريون ٿا: آمريڪا
بشريٰ جي بني گالا کان اڊيالا جيل منتقلي واري درخواست بحال
انٽر بئنڪ ۾ ڊالر 278 رپيا 50 پئسا ٿي ويو
پي ٽي آءِ کي جلسن جي اجازت ڏيو، درخواست ڊي سي حوالي
ڪراچي ۾ تيز برسات جو امڪان ناھي،تجزيھ ڪار
علي يونس عاليه رياض سان گڏ تصوير پوسٽ ڪري ڇڏي
بالي ووڊ ڪنهن جي پيءُ جي انڊسٽري ناهي: وديا بالن
ايران- اسرائيل جنگ ڪنهن جي به حق ۾ ناهي
اڄوڪي-اخبار-2024-04-18
اڄوڪي-اخبار-2024-04-18