ڪابل(ويب ڊيسڪ) پنجشير ۾ طالبان ۽ شمالي اتحاد جي اڳواڻن ۾ معاهدو ٿي ويو آهي ته هڪٻئي تي حملا نه ڪندا ۽ سڀ معاملا ڳالهه ٻولهه ذريعي حل ڪندا. ٻنهي ڌرين جي وفدن ۾ رات دير تائين جاري رهندڙ ڳالهين ۾ خميس تي فجر مهل ايترو ٻڌايو ويو ته معاقهدو ٿي ويو آهي ۽ تفصيل بعد ۾ پريس ڪانفرنس ۾ جاري ڪيا ويندا. ان کان اڳ شمالي اتحاد جي اڳواڻ احمد مسعود چيو هو ته طالبان سان وڙهڻ جي صلاحيت رکون ٿا جهڪڻ کان مرڻ پسند ڪنداسين.
