پاڪستان ڀارت جي درخواست تي فضائي پابندي ختم ڪري ڇڏي

اسلام آباد(بيورو رپوروٽ) پاڪستان شهري هوابازي جي اداري سول ايوي ايشن ڊويزن فضائي سرحدون مڪمل کولڻ جو اعلان ڪري ڇڏيو آهي. 5 مهينا اڳ ڀارت سان ڇڪتاڻ بعد پاڪستان مشرقي فضائي سرحدن تي پابندي هنئي هئي. جنهن سبب دنيا جي ايئر ٽريفڪ لاءِ پريشاني وڌي هئي ۽ وڪڙ ڪري وڃڻ سبب دنيا جي مختلف ڪارگو ۽ پئسينجرايئر لائنز جي ڪاسٽ ۽ ٽائم وڌيڪ لڳي پيو. پاڪستان جي شهري هوا بازي واري ڊويزن جي سيڪريٽري شاهه رخ نصرت صحافين کي ٻڌايو ته ڀارت پاڪستان کي درخواست ڪئي ته فضائي حدون کوليو ۽ اسين کين چيو ته اوهان فارورڊ بيسز تان جنگي جهاز هٽايو. جنهن بعد اسين پابندي هٽائي آهي. فضائي حدون کولڻ جو اعلان آمريڪي ڪمپني يونائيٽيڊ ايئرلائن پاران هن خطي ۾ سروس معطل ڪرڻ واري اعلان جي چند ڪلاڪن بعد سامهون آيو آهي. جنهن مان لڳي پيو ته آمريڪا ڀارت کي چيو ۽ ڀارت پاڪستان سان رابطو ڪري فضائي حدون کولڻ لاءِ چيو. ياد رهي ته 26 فيبروري تي پاڪستان بندش جو اعلان ڪيو هو ۽ مارچ ۾ جزوي طور پابندي هٽائي هئي.

پهنجو تبصرو موڪليو