اسلام آباد (رپورٽ الله وسايو گهوٽو) حڪومت ٽيڪس وصولين جو حدف 4717 ارب روپين مان گهٽ ڪري 4691 ارب روپيه مقرر ڪري ڇڏيو.وفاقي حڪومت هلندڙ مالي سال 2020-21 لاءِ مقرر ڪيل ٽيڪس وصولين جي حدف تي ٻيهر نظرثاني ڪندي وڌيڪ 26 ارب روپين جي گهٽتائي ڪري ڇڏي آهي ۽ ٽيڪس وصولين جو حدف 4717 ارب روپين مان گهٽ ڪري 4691 ارب روپيه مقرر ڪيو ويو آهي. ايف بي آر اختيارين جو چوڻ آهي ته ڪوشش ڪئي ويندي ته هلندڙ مالي سال جي اختتام تي ٽيڪس وصوليون 4700 ارب روپين کان مٿي ٿي وڃن.هلندڙ مالي سال لاءِ انڪم ٽيڪس ۽ فيڊرل ايڪسائز ڊيوٽي جي مد ۾ وصولين جي حدف ۾ گهٽتائي ڪئي وئي آهي ۽ سيلز ٽيڪس ۽ ورڪرز ويلفيئر فنڊ جي مد ۾ وصولين جو حدف وڌايو ويو آهي. ورڪرز پرافٽ ڀائيواري فنڊ ۽ ڪيپيٽل ويليو ٽيڪس جي مد ۾ وصولين جي حدف ۾ گهٽتائي ڪئي وئي آهي. ايف بي آر هلندڙ مالي سال 2020-21 ۾ ٽيڪس وصولين جو حدف 4963 ارب روپيه مقرر ڪيو هو پر ٻيهر نظرثاني ڪندي 246 ارب روپين جي گهٽتائي سان گڏ 4717 ارب روپيه ڪيو ويو هو جنهن ۾ هاڻ وڌيڪ 26 ارب روپين جي گهٽتائي ڪئي وئي آهي.انڪم ٽيڪس وصولين جو حدف 2032.56 ارب روپين مان گهٽ ڪري 1779.92 ارب روپيه ڪيو ويو آهي. سيلز ٽيڪس وصولين جو حدف 1919 ارب روپين مان وڌائي 1927 ارب روپيه ڪيو ويو آهي. ايڪسائيز ڊيوٽي جي مد ۾ وصولين جو حدف 361 ارب روپين مان گهٽ ڪري 275 ارب روپيه ۽ ڪسٽمز ڊيوٽي جي مد ۾ وصولين جو حدف 640 ارب روپين مان وڌائي 700 ارب روپيه ڪيو ويو آهي.
صدر سان ميريٽ جي ملاقات، واپار ۽ اقتصادي لاڳاپا مضبوط بنائڻ تي اتفاق
دوداپور ڀرسان گهرو اڻبڻت تان ڀاءُ هٿان گوليون هڻي ڀيڻ قتل
عدليا ۾ ايجنسين جي مداخلت، جاچ لاءِ ڪميشن جوڙڻ جو اعلان
ذخيرا گهٽ ۽ مهانگي گيس خريدڻ سبب اگهه وڌايا ويا
انوار الحق ڪاڪڙ ۽ ايمل ولي بلوچستان مان سينيٽر منتخب
فوجي عدالتن ۾ محفوظ ڪيل فيصلا ٻڌائڻ جي مشروط اجازت
پيٽروليم شين تي وڌيڪ 20 کان 30 رپيا ليوي لاڳو ڪرڻ جي تجويز
سنڌ مان سينيٽ جي 12 سيٽن جي چونڊ لاءِ اميدوارن جي لسٽ جاري
پي ٽي آءِ جي 11 اڳواڻن کي جيل ۾ خان سان ملاقات جي اجازت
ڪراچي ۾ رولو ڪتن جي شڪايت لاءِ هيلپ لائن بحال، ايپ به تيار
سي پيڪ جي ٻئي مرحلي ۾ چيني سيڙپڪاري جي واڌ ٿيندي
اڪثر دهشتگرد حملن ۾ آمريڪي هٿيار استعمال ٿيا آهن
پاڪستان جي ثانوي اڀرندڙ مارڪيٽ جي حيثيت برقرار
حڪومت اٽو برآمد ڪرڻ جي مشروط اجازت ڏئي ڇڏي
بابر اعواڻ جو نالو اي سي ايل مان خارج، وڌيڪ 24 نالا شامل
سوشل ميڊيا تي سڀ کان وڏو چئلينج جعلي خبرون آهن: تارڙ
صوبي ۾ پاڻي کوٽ تي وفاق سان اختلاف آهن: شورو
سپريم ڪورٽ مان ضمانت حاصل ڪندڙ 5 جوابدار ٻيهر گرفتار
انٽر بئنڪ ۾ ڊالر 277 رپيا 90 پئسا ٿي ويو
راڻا ثنا خلاف ڪيس جي درخواست، ايس ايڇ او کي نوٽيس