ٽنڊوباگو( رپورٽ سھيل سمون ) سنڌ آبادگار تنظيم جي صدر سيد فياض شاھ راشدي پاڻي جي ھٿرادو کوٽ، پاڻي چوري ۽ حصي جو پاڻي نه ملڻ خلاف سوشل ميڊيا تي سندس وائرل ٿيندڙ وڊيو ۾ خودڪشي جو اعلان ڪيو آهي. هن چتاءُ ڏيندي چيو آهي ته ھڪ ھفتي اندر ايريگيشن کاتي پاران پاڻي جي ورهاست سپريم ڪورٽ ۽ ٻين ڪورٽن جي حڪم تحت سئو سيڪڙو نه ڪئي وئي ته ھو سکر ھيڊ يا نصير ڪينال ھيڊ کان ٽپو ڏئي پنھنجي زندگي جو انت آڻي ڇڏيندو.
