نصلا ٽاور جي رهائشين کي عمارت خالي ڪرڻ جا نوٽيس جاري

ڪراچي (اسٽاف رپورٽر)عدالتي حڪم تي ٿمل ڪرائڻ لاءِ ضلعي انتظاميا نصلا ٽاور جي رهواسين کي عمارت خالي ڪرڻ لاءِ نوٽيس جاري ڪري ڇڏيا، اوڀر ضلعي جي انتطاميا طرفان جاري نوٽيش ۾ نصلا ٽاور جي رهواسين کي 27آڪٽوبر تائين عمارت خالي ڪرڻ جي هدايت ڪئي وئي آهي. نصلا ٽاور کي خالي ڪرڻ لاءِ اسسٽنٽ ڪمشنر فيروز آباد نوٽيس جاري ڪيو جنهن ۾ چيو ويو آهي ته سپريم ڪورٽ نظرثاني درخواست رد ڪئي هئي، نوٽيس ۾ وڌيڪ ڄاڻايو ويو آهي ته ڪمشنر ڪراچي کي عملدرآمد رپورٽ جمع ڪرائڻي آهي، عمارت خالي نه ڪرڻ جي صورت ۾ قانوني ڪارروائي ڪئي ويندي. ياد رهي ته شاهراهه فيصل لڳ واقع نصلا ٽاور رستي تي قبضو ڪري چائنا ڪٽنگ ڪندي ٺاهيو ويو هو. جنهن کي عدالت غيرقانوني قرار ڏنو هو.

پهنجو تبصرو موڪليو