اسلام آباد (اياز مهر) مخالف ڌر سينيٽ چيئرمين صادق سنجراڻي کي هٽائڻ لاءِ 38 سينيٽرن جي صحيحن سان ٺهراءُ سيڪريٽري سينيٽ وٽ جمع ڪرائي ڇڏيو. ٺهراءُ جمع ڪرائڻ کان اڳ راجا ظفرالحق جي سربراهي ۾ اپوزيشن جماعتن جو اجلاس ٿيو، جنهن ۾ 34 کان وڌيڪ سينيٽر شريڪ ٿيا، جنهن ۾ حڪمت عملي مرتب ڪئي وئي. ذريعن جو چوڻ آهي ته مسلم ليگ (ن) رضا رباني کي چيئرمين سينيٽ چونڊرائڻ جي تجويز ڏني آهي پر آصف علي زرداري چوي ٿو ته اڪثريت نون ليگ جي آهي اهي پنهنجواميدوار آڻين. اپوزيشن چيو هو ته متفقه اميدوار جو اعلان 11 جولاءِ تي ڪيو ويندو. 104 ميمبرن تي مشتمل سينيٽ ۾ هر صوبي جا 23 ميمبر آهن، 8 اڳوڻي فاٽا ۽ 4 قومي اسمبلي جا چونڊيل ميمبر آهن. جن مان تحريڪ انصاف جا 14، ايم ڪيو ايم جا 6 ۽ جماعت اسلامي جا 2 ميمبر آهن. گذريل سال صادق سنجراڻي کي پيپلزپارٽي چيئرمين چونڊرايو هو، کيس 57 ووٽ مليا هئا، سندس مخالف راجا ظفرالحق کي 46 ووٽ مليا هئا. ياد رهي ته رولز موجب ايوان جي ڪل ميمبرن جو چوٿون حصو صحيهون ڪري چيئرمين يا ڊپٽي چيئرمين کي هٽائڻ لاءِ ٺهراءُ پيش ڪري سگهي ٿو. جنهن خلاف ٺهراءُ ايندو اهو اجلاس جي صدارت نه ڪندو، ھجهي ووٽنگ ذريعي ايوان جي اڌ کان وڌيڪ ميمبرن جي ووٽ سان کيس هٽايو ويندو. جماعت اسلامي سينيٽ چيئرمين کي هٽائڻ جي مخخالف آهي. باقي اپوزيشن جا 66 ميمبر آهن جن مان اسحاق ڊار حلف ئي ناهي کنيو ۽ طلحا محمود ملڪ کان ٻاهر آهي. بلوچستان جا ڪجهه ميمبر به امڪان آهي ته ووٽنگ ۾ شريڪ نه ٿين پر ان جي باوجود به اپوزيشن وٽ سنجراڻي کي هٽائڻ لاءِ گهربل اڪثريت حاصل آهي.
اڄوڪي-اخبار-2024-04-20
اڄوڪي-اخبار-2024-04-20
خط مامرو: هاءِ ڪورٽ جي سڀني ججن کان تجويزون طلب
جاپاني شهرين جي گاڏي لڳ ڌماڪو 2 فوت ۽ 2 زخمي
عالمي واٽر سمٽ ۾ گورننس کي بهتر ڪرڻ تي زور
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
آءِ ايم ايف پاران مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
ڪينيا جو آرمي چيف ڏهه آفيسر سميت اجل جو شڪار
خصوصي سيٽن وارن ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، ترجمان
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو