حيدرآباد (بيورو رپورٽ) سنڌ جي روينيو ملازمن ۽ سنڌ حڪومت ۾ ڳالهيون ڪامياب، ٻن مهينن ۾ مطالبا منظور ڪرڻ جي لکت ۾ ڪرايل خاطري بعد ملازمن احتجاج ختم ڪري ڇڏيو. سنڌ جي مختلف شهرن ۾ روينيو ملازم آفيسون بند ڪري هڪ هفتي کان احتجاج ڪري رهيا هئا ۽ سينئر آفيسر به سندن مطالبن جي حمايت ڪري رهيا هئا. جنهن بعد چيف سيڪريٽري سنڌ جي هدايت تي هوم سيڪريٽري جي سربراهي ۾ جوڙيل ڪميٽي حيدرآباد پهچي ڪمشنر هائوس ۾ روينيو ملازمن جي نمائندن سان ڳالهيون ڪيون. ڳالهين ۾ روينيو ملازمن جا 7 مطالبا ٻن مهينن ۾ پورا ڪرڻ جي خاطري بعد روينيو ملازمن احتجاج جو سڏ واپس وٺي ڇڏيو. چيف سيڪريٽري سنڌ پاران گهرو کاتي جي سيڪريٽري قاضي ڪبير جي سربراهي ۾ ڪميٽي جوڙي وئي هئي جنهن ۾ ڪمشنر حيدرآباد محمد عباس بلوچ به شامل هو جڏهن ته ڳالهين جي موقعي تي ڊي سي حيدرآباد سيد اعجاز علي شاهه، ڊي سي ڄامشورو ڪيپٽن رٽائرڊ فريد الدين مصطفي ۽ ڊي سي ٽنڊوالهيار رشيد احمد زرداري به موجود هئا. آل روينيو سنڌ ايمپلائيز ايسوسيئيشن پاران مرڪزي صدر سيد سردار علي شاهه ۽ نائب صدر امجد لاشاري ڪميٽي سان ڳالهيون ڪيون. ڪميٽي پاران روينيو ملازمن جي مطالبن جي مڃتا واري معاهدي تي هوم سيڪريٽري، ڪمشنر، آل روينيو سنڌ ايمپلائيز ايسوسيئيشن جي مرڪزي صدر ۽ نائب صدر جون صحيحون ٿيل آهن. سنڌ سرڪار جي ڪميٽي جي سربراهي ڪندڙ قاضي ڪبير روينيو ملازمن کي ٻڌايو ته روينيو الائونس واري سمري ناڻي کاتي مان نڪري سنڌ ڪابينا کي اماڻي وئي آهي، جيڪا جلد ئي منظور ٿي ويندي. گڏجاڻي ۾ اهو طئه ڪيو ويو ته روينيو ملازمن جي گڏيل سينارٽي لسٽ کي جدا ڪيو ويندو، جڏهن ته تپيدارن کي ملندڙ گهوڙا الائونس بدران ڪنوينس الائونس ڏنو ويندو. روينيو ملازمن جي چارٽر آف ڊمانڊ ۾ شامل ٻين مسئلن جي جائزي ۽ مڃتا لاءِ هڪ ڪميٽي قائم ڪئي وئي جنهن جو سربراهه ڊي سي ڄامشورو ڪيپٽن رٽائرڊ فريد الدين مصطفي کي مقرر ڪيو ويو ۽ ان ڪميٽي ۾ ڊپٽي ڪمشنر ٽنڊو الهيار رشيد احمد زرداري، او ايس ڊي / ريڊر بورڊ آف روينيو شفيق احمد سومرو ملازمن پاران آل روينيو سنڌ ايمپلائيز ايسوسيئيشن جو صدر سيد سردار علي شاهه ۽ نائب صدر امجد لاشاري کي ڪميٽي جو ميمبر مقرر ڪيو ويو. اها ڪميٽي سفارشون پيش ڪندي جيڪي چيف سيڪريٽري کي اماڻيون وينديون.
خط مامرو: هاءِ ڪورٽ جي سڀني ججن کان تجويزون طلب
جاپاني شهرين جي گاڏي لڳ ڌماڪو 2 فوت ۽ 2 زخمي
عالمي واٽر سمٽ ۾ گورننس کي بهتر ڪرڻ تي زور
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
آءِ ايم ايف پاران مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
ڪينيا جو آرمي چيف ڏهه آفيسر سميت اجل جو شڪار
خصوصي سيٽن وارن ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، ترجمان
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو
ٽرانسپورٽ جو ڀڳل ٽٽل نظام
ڌاڙيلن خلاف جديد ٽيڪنالاجي سان گڏيل آپريشن جو فيصلو