بين الصوبائي گروهه جا 3 هيومن سمگلر گرفتار

سکر (جيرام داس ) سکر پوليس عورتون خريد ڪري وڪرو ڪندڙ بين الصوبائي هيومن سمگلرز گروهه جا 3 جوابدار گرفتار ڪري ٽن عورتن کي بازياب ڪرائڻ جي دعويٰ ڪئي آهي. پوليس ڳجهي اطلاع تي ڪارروائي ڪري جهانگڙو ٿاڻي جي حد ۾ ڪارروائي ڪري ٽن عورتن مصباح، شبانا ۽ سلمه کي بازياب ڪرائي ورتو. پوليس جو چوڻ آهي ته گرفتار ڪيل ڏوهارين جي سڃاڻپ ستار، پيرل ۽ رزاق جي نالن سان ٿي آهي، جوابدارن جي قبضي مان ڪار پڻ هٿ ڪئي وئي آهي. پوليس موجب جوابدر پنجاب مان عورتن کي سستي اگهه تي خريد ڪري سنڌ ۾اچي کين وڪرو ڪرڻ جي ڪاروبار ۾ملوث آهن. پوليس جو چوڻ آهي ته جهانگڙو ويجهو عورتن کي وڪرو ڪرڻ لاءِ سندن ٻولي لڳائي پئي وئي ته پوليس وقت سر ڪارروائي ڪندي کين بازياب ڪرائي ورتو.

پهنجو تبصرو موڪليو