پي ٽي آءِ بلديه سانحي بابت رپورٽ تي خاموش ڇو آهي، غني

ڪراچي (اسٽاف رپورٽر) تعليم وار ي صوبائي وزير۽ پي پي اڳواڻ سعيد غني چيو آهي ته پي ٽي آءِ سرڪار دهشتگردن جي سرپرستي ڪري رهي آهي.هن چيو ته  اسان ذوالفقار مرزا جو گند صاف ڪيو،  پي ٽي آءِ وارا کيس حُر پيا سڏين.  ذوالفقار مرزا 2011ع ۾ پ پ مٿان ڌڙا ڌڙا الزام لڳائي رهيو هو ته اسپيڪر جي عهدي تي ويٺل فهميده مرزا ان وقت پنهنجي مڙس جي حمايت ۾ ڇو نه ڳالهايو؟ آصف زرداري فهميده مرزا کي اسلامي دُنيا جي پهرين اسپيڪر بڻايو هو، اڄ هوءَ جيڪو ڪجهه به آهي، آصف زرداري جي مهرباني سان آهي، صوبائي وزير سعيد غني پريس ڪانفرنس دوران چيو ته پي ٽي آءِ طالبانن جي سرپرست رهي آهي، عذير بلوچ جي رپورٽ تي واويلا ڪندڙ پي ٽي آءِ وارن بلديه سانحي جِي رپورٽ کي اسڪرين تان غائب ڪري ڇڏيو، رپورٽ ۾ وفاقي حڪومت جي اتحادي جماعت جي ماڻهن جا نالا آهن، عذير بلوچ پيپلز پارٽي خلاف احتجاج ڪري رهيو هو ته پي ٽي آءِ سوڌو سمورين وڏين جماعتن ساڻس رابطا ڪري پارٽي ۾ شامل ٿيڻ جون آڇون ڪيون، علي زيدي، صدر عارف علوي ۽ گورنر عمران اسماعيل عذير بلوچ سان ڳالهين لاءِ هڪ ڪميٽي به جوڙي هئي، پي ٽي آءِ جا اڳواڻ به عذير بلوچ کي دعوتون ڏيندا رهيا آهن، سعيد غني جو چوڻ هو ته پي ٽي آءِ جا عذير بلوچ سان رابطا رهيا، عذير بلوچ هر سياسي جماعت سان ويجهڙائي رکي، پيپلز امن ڪميٽي جا پي ٽي آءِ سان لاڳاپا رهيا آهن، عذير بلوچ کي پي ٽي آءِ ۾ شامل ڪرڻ لاءِ ملاقاتون ڪيون ويون، ذوالفقار مرزا جيڪو گند ڪيو، اها سڀني کي خبر آهي، گند ڪندڙ شخص کي حُر چوڻ بيوقوفي آهي، هن چيو ته ذوالفقار مرزا کي گهرو وزير بڻائڻ پارٽي جي وڏي غلطي هئي، پي ٽي آءِ جا دهشتگرد تنظيمن سان تعلق هئا ۽ آهن، حڪومت بحران پيدا ڪري کنڊ اسڪينڊل تان ڌيان هٽايو، حڪومت جهانگير ترين کي ٻاهر فرار ڪرائي ڇڏيو، وفاقي حڪومت پي آءِ اي کي تباهه ڪرڻ چاهي ٿي، نالائق حڪومت سبب دنيا ۾پي آءِ اي تي پابندي لڳائي وئي، پي آءِ اي کي ايترو نقصان ماضي جي حڪومتن نه پهچايو.

پهنجو تبصرو موڪليو