پيٽرول ۽ ڊيزل جي اگهن ۾ ڏيڍ روپيو في لٽر گهٽتائي جو اعلان

اسلام آباد(بيورو رپورٽ) وفاقي حڪومت اوگرا پاران پيٽرول جا اگهه گهٽائڻ بابت ڪيل سفارش جي اڌ جيتري رقم گهٽ ڪرڻ جو نوٽيفڪيشن جاري ڪيو آهي. جنهن موجب ڊيزل، گاسليٽ ۽ پيٽرول ڏيڍ روپيا فر لٽر قيمت گهٽ ڪئي آهي. جنهن بعد پيٽرول جي قيمت 118 روپيا 30 پيسا ۽ ڊيزل جي نئين قيمت 115 روپيا 03 پيسا مقرر ڪئي وئي آهي. ان کان اڳ آئل اينڊ گيس ريگوليٽري اٿارٽي يعني اوگرا عالمي منڊي ۾ پيٽروليم جي اگهن ۾ گهٽتائي بعد پاڪستان ۾ ساڍا ٽي روپي پيٽرو، ڊيزل جي اگهه ۾ 5 روپيا، لائٽ ديزل 2 روپيا ۽ گاسليٽ 3 روپيا في لٽرگهٽتائي ڪرڻ جي سفارش ڪئي آهي. جنهن جي رسمي منظوري اڄ ڏني ويندي ۽ سڀاڻي پهرين سيپٽمبر کان ملڪ ۾ اهي لاڳو ڪيون وينديون. ياد رهي ته تازو حڪومت ڊيزل تي 17 سيڪڙو سيلز ٽيڪس، پيٽرول تي 10.54 سيڪڙو ۽ گاسليٽ تي 6.70 سيڪڙو سيلز ٽيڪس لاڳو ڪيو هو. ذريعن موجب ناڻي واري وزارت پيٽروليم جي اگهن ۾ لاٿ جي مخالفت ڪري رهي آهي.

پهنجو تبصرو موڪليو