پاڪستان مان پرڏيهه روڪ ڊالر کڻي وڃڻ تي نيون پابنديون

اسلام آباد(بيورو رپورٽ) فيدرل بورڊ آف روينيو پرڏيهه ويندڙن بابت ڊالر کڻي وڃڻ وارن قاعدن ۾ تبديلي ڪري ڇڏي آهي. نئين جاري ڪيل حڪم مطابق 5 سال کان گهٽ عمر وارو في دوري تي 1000 ڊالر ۽ سال ۾ وڌ کان وڌ دورن تي 6 هزار ڊالر کان وڌيڪ نه کڻي ويندو. 5 کان 18 سال تائين عمر جو ڪو به فرد في دوري تي 5000 ڊالر ۽ سال ۾ 30 هزار ڊالر کان وڌيڪ نٿو کڻي وڃي سگهي. 18 سالن کان مٿي جي عمر وارو پرڏيهه ويندڙ شخص في دوري تي ڏهه هزار ڊالر کان وڌيڪ نه کڻندو ۽ سال ۾ جيترا به دوران ڪري پر 60 هزار ڊالر کان وڌيڪ پاڪستان مان پئسا ٻاهر نٿو کڻي سگهي. البته ملڪ ڇڏيندڙ 3 هزار ڊالر کان وڌيڪ ڪيش نٿو کڻي وڃي سگهي.

پهنجو تبصرو موڪليو