مٺل ڏاهري جي ملڪيت تي قبضي خلاف احتجاج

نواب شاھ (ن سنڌيار) اڳوڻي ايم پي اي سردار مٺل خان ڏاھري جي پيٽرول پمپ ۽ ھوٽل تي مبينه قبضا مافيا ۽ ان جي ساٿاري پوليس جي ظلم ۽ ڏاڍائين خلاف دولتپور جون مختلف برادريون حمايت ۾ روڊن تي نڪري اچي سخت احتجاجي مظاھرو ڪيو ان موقعي تي مظاھرين علي رضا سولنگي ، حاجي ڪامل ڀٽو ، آصف ڏاھري ، اعجاز علي ،غلام محمد گائينچو ، ممتاز اوٺو ،محمد ڏاھري ۽ ٻين ميڊيا آڏو دانھيندي چيو تہ اسان جي علائقي جي معزز شخصيت ۽ اڳوڻي ايم پي اي سردار مٺل خان ڏاھري جي زمين جيڪا چاليھ سال پراڻي خريد ڪيل آھي ۽ زمين تي پيٽرول پمپ ۽ ھوٽل سان گڏ شوروم پڻ ٺھيل آھن ، جنھن تي دولتپور شھر جو ھڪ قبضا مافيا گروھ جو چڱو مڙس علي بخش ملاح ھاڻي پنھنجي وڏڙن جي زمين ڏيکاري پوليس جي مدد سان قبضو ڪرڻ چاھي ٿو ، جڏھن تہ ھن پراپرٽي جو ڪيس پڻ ڪورٽ سڳوري ۾ ھلندڙ آھي ۽ علي بخش ملاح دولتپور پوليس ساڻ ڪري روزانو اسان کي ڌمڪيون ڏئي رھيا آھن ۽ ڪوڙن ڪيسن ۾ ڦاسائڻ سان گڏ قبضو ڪري علائقي ۾ امن و امان خراب ڪري ھتي خونريزي ۽ قبائلي جھڙا ڪرائڻ چاھين ٿا جيڪي اسان دولتپور جا شھري ڪڏھن بہ انھن جي سازشن کي ڪامياب نہ ٿيڻ ڏينداسين ، اسان قانون جو احترام ڪيو آھي ۽ ڪندا رهنداسين اسان جي معززين ھميشه عوام جا گڏ ڏوکي ۽ انھن جي ڇپر ڇانو رھيا آھن ۽ انھن جي خلاف ڪنھن بہ قسم جي سازش برداشت نہ ڪنداسين ، اسين چيف جسٽس آف پاڪستان ، ڊي جي رينجرز سنڌ ، آئي جي سنڌ ، وزير اعلي سنڌ سميت پيپلز پارٽي جي اعلي قيادت کان گھر ٿا ڪيون تہ قبضا مافيا جي ظلم ۽ ڏاڍائين کان ۽ علائقي جو امن خراب ڪرڻ واري قبضا مافيا کان تحفظ فراھم ڪري انھن خلاف قانوني ڪاروائي ڪئي وڃي ته جيئن دولتپور جا شھري سک جو ساھ کڻي سگھن

کیٹاگری میں : سنڌ

پهنجو تبصرو موڪليو